Wednesday, April 17, 2024
spot_img
HomeFoto GaleriaPAM Viqueque foun dehan, Hau mai ho prinsipiu ukun no hadiak

PAM Viqueque foun dehan, Hau mai ho prinsipiu ukun no hadiak

Prezidente Autoridade Municipal (PAM) de Viqueque, Francisco Cruz Simoẽs Gonzaga Soares dehan nia mai ho prinsipiu ida, “ UKUN ATU HADI’A”  Municipiu Viqueque. Lia ne’e PAM empozada hato’o iha nia deskursa hafoin simu tiha Pose hosi Vice Ministru Administrasaun Estatal (MAE) jacinto Rigoberto iha Salaun Administrasaun Municipal ( AM) de Viqueque Tersa feira loron 26 fulan Marsu 2024 ne’e.  Francisco  Simoẽs mos hatutan dehan, Viqueque konyesidu ho akontesementus sira hahu kedas hosi Portuges nia tempu mai to’o era ukun an. No tama ba era ukun an ita prega ba joven sira ho naran violentu mutu rabu no seluk tan.

“ Wainhira ko’a lia kona ba Viqueque konyesidu ho akontesementus sira hahu kedas hosi Portuges nia tempu mai to’o era ukun an. No tama ba era ukun an ita prega ba joven sira ho naran violentu mutu rabu no seluk tan. Tan ne’e tempu to’o ona atu ita kore ita nia an hosi siklu de konflitu no transforma ita nia pensamentu no hahalok hodi kontribui ba dejenvolvementu iha ita nia Municipiu de Viqueque ne’e.Tan ne’e iha ukun ida ne’e PAM Viqueque kompremetidu fo prioridade ba programa nebe nesesita potensialidade no prioridade nune’e sei implementa hodi lori solusaun adekuada tuir relalidade nebe iha. Signifikafortalese partisipasaun komunidade no istimula inovasaun no kreatividade iha ambitu desenvolvementu projetu no programa hirak nebe kontribui ba hadia povo nia moris ”.

PAM Francisco mos hatutan dehan prioridades hamutuk sanulu resin ida ( 11) maka nia sei esforsu hamutuk ho estruktura toma durante mandatu. Maka hanesan, Sektor infraestruktura bazikas, Sektor Edukasaun Sektor Saude Agricultura, Kultura no potensia ambiental, Sistema be’e mos, Eletricidade, kontrola presu sasan , hari terminal lixu, hari Terminal ba transporte publiku sira no ikus liu maka sei negosia nafatin atu lori Kadoras Greater Sungrihts mai iha Beaḉo Viqueque.

“ Onje ( 11 ) kontinua negosia ho parte hotu hotu atu lori kadoras mai iha Beaḉo  Viqueque, nebe buat nebe maka sei iha diskusaun, ita nudar Viqueque oan tenki lolo liman ba malu ita tenki halo esforsu bot ida hodi koalia ho parte hotu, atu hakne’ak mos ita sei halo atu bele lori kadoras mai Viqueque”.

PAM ne’e mos dehan sei kaer metin ba prinsipiu “ Ukun atu Hadi’a”  servisu hamutuk ho esperitu Nasionalismu , kolektivu dedikasaun honestu responsabilidade imparsial no transparensia, tan ne’e nudar Viqueque nia oan nebe simu responsabilidade no konfiansa hosi IX Governo Konstitusional deklara katak, “ tempu ona atu servi no hadia, tan ne’e nudar PAM  sei nakloke hodi servisu hamutu ho parte hotu hotu hodi kontribui ba desenvolvementu iha Municipiu Viqueque.

Molok atu taka nia deskursu PAM ne’e mos husik hela lia Dadolin id aba partisipantes sira liu liu ba Povu Municipiu Viqueque tomak no dadolin ne’e hanesan simbolu ba Unidade Viqueque nian.

“ Maun alin alin maun sebauk oli, tula dikur ba malu sebauk oli, kahe dikur ba malu sebauk oli, maun alin alin maun nu’u baria, tula lain ba malu se bok oli, kahe lain ba malu sebok oli”.  

Entretantu Pose ba PAM Viqueque ne’e bazeia ba Despacho Primeiru Ministru nian No.  022/PM/3/2024  nebe fob a MAE atu hodi hala’o Tomada de Pose.

 

Ekipa kobertura RPV.

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x