Segunda feira loron 16 fulan Outubru 2023 semana nee Ministeriu da Justisa IX Governo Konstitusional liu hosi Diresaun da Politika de Justisa no Comissao de Luta Contra o Ttrafico de Pessoas fahe informasaun ho nia objetivu atu halo prevennsaun no kombate Crime Trafico Humanos no prosesu ba kaju de trafico hunano e reforsa instituicional,liu husi socsializasaun ou habelar informasaun monitorizasaun no disseminasaun papel luta kontra trafiku umanu no risku trafiku umanu nian iha munisipio viqueque, halao iha salaun adminstrasaun municipal viqueque. Administrador Municipiu de Viqueque, Januario soares – Boli iha nia intervensaun hato’o agradesementu ba MJ tamba bele mai fahe ona informasaun ba ita hodi hatene kona ba saida maka Trafiku Humanu no nia risku sira.
“ Informasaun balun ligadu ho Trafiku Humanu iha mundo nee hotu hotu preokupa, ita iha oportunidade atu bele mai hola parte iha nee hodi bele hetan imformsaun ruma lala’ok balun konaba Trafiku Humano nian nebe mak dalruma la’os ita maka komete, maibe ita la sadar katak ita tama dadaun situasaun balun ladiak prejudika ba ita nia joven no alin feto sira tanba nee mak hau hanoin importante tebes ,para ita bele tau atensaun karik buat ruma akontese karik ita mos entende ona sasan ne ita bele prevene evita. Posibilidade sira nebe bele mos ligadu ho trafiku umanu nian. Dalaruma ema mai bosok ita dehan ba servisu iha rai liur, mais realidademente ita ba monu fali iha situasaun seluk tanba nee hau hanoin ita presiza rona barak,hodi nunee ita mos bele antisipa hodi prevene buat balun , no hau nia benvindo ba equipa husi nasional mai iha nee bele fahe imformasaun ba ami munisipio viqueque nian para ami mos bele apar ho informasaun ne hanesan mos munisipio sira seluk nebe mak Ministerio Justisa hala’o ona sosializasaun ita kolia konba sosializasaun mais liafuan ho protugues dissemina ne’e katak espalha ”.
Alende nee presidente Komisaun Luta Kontra Trafiku Umanu ( KLATU ) Flaviano Moniz Leᾶo nebe representa minteriu da justisa haktuir katak kazu trafiku Umanu kontinua buras no existe iha ita nia Pais no maluk Timor oan barak maka sai ona vitima ba kazu Trafiku Umanu ne’e rasik.
“ Kazu Trafiku Umanu buras no kontinua existe iha ita nia País ida ne’e. kazu trafiku umanu katak kazu ida nebe ema bolu kazu transnational crime nebe mak País hotu hotu kuaze iha Mundu ne’e infrenta. Situasaun ida nee hanesan mos ita Timor Leste, ita bot sira karik akompanha notisia iha tinan ida ba kotuk ita nia maluk Timor oan barak mak sai vitima ba trafiku umanu ,ita bot sira akompanha timor oan barak iha tinan kotuk iha Portugal nebe sai iha notisia toba iha jardin sira hirak ne ba iha nebe dalaruma lahatene informasaun ema bosok sira tanba menus konesementu bosok sira tanba ema mai ho promesa nebe mak diak ba sira promesa ba sira dehan ita bot sira ba iha neba sei hetan servisu too iha neba kompanha A ka B mak sei oferese ba ita bot sira servisu ,maibe realidade too neba ema abandona no latau mata ba maibe wainhira sira atu ba sira tenke hatama osan 3mil to 4mil balun too 5mill dolares entaun ita nia situsaun ida nee mak akontese duni ba ita nia sidadaun nebe agora iha hela rai liur”
Flaviano Moniz mos akresenta liu tan dehan, Ekonomia sai fator ida krusial tebes atu ema sai vitima ba Trafiku Umanu. Tamba ne’e Prezidente KLATU ne’e husu atu labele naran fiar ema ka Kompanya ruma nebe mai dehan atu lori emi ba servisu iha Rai liur ka halo promesa, fiar no rona maka ita nia estadu ka Governu.
“Ekonomia sai fator ida nebe mak krusial tebes atu ema sai vitima ba trafiku umanu, tanba ema maioria nebe sai tranfikante. Ema nebe halo rekrutamentu ba ema mos dalaruma mai ho hatais nebe diak halo ita atu fiar dalruma ema sira nee mai ho kareta diak atu rekruta sira entaun ita fiar katak ema sira nee parese iha ninia kanal iha liur neba entaun ita mos fiar, wanhira nia mai hatais gravata ho rapidu tun husi kareta prado pajero dehan ba sira nebe hakarak servisu mai ami bele lori imi ba entaun ita nia joven sira ita nia ina aman sira hare ema hanesan ne fiar ona sen konsulta husi autoridade. Entaun ami nia papel ida mai iha nee atu dissemina ida nee ba ita bot sira katak labele fiar ba ema ka ajensia nebe mak mai fo promesa ruma ba ita bot , tenke liu husi kanal Estadu ka Governo nian, ita ihan SEFOPE, iha mos SEFOPE iha Munispio tenke liu husi kanal sira ne tanba Governo sei la fo Ajensia sira atu halo rekrutamentu, maibe iha Estadu Governo liu husi SEFOPE, karik Estadu Governo ruma husi Portugal, Jepaun ,Koreia no Australia presiza Timor oan sira atu ba servisu iha neba karik sempre liu husi SEFOPE. No SEFOPE mak sei halo rekrutamentu atu nune’e Estadu iha responsabilidade lori nia sidadaun ba servisu iha rai liur wainhira sidadaun nee enfrenta difisil iha neba Governo nafatin tau matan no lori fila seguru too iha nia fatin”
Abertura ba formasaun nee loke diretamente husi Director Jeral Ministeriu Justisa hanesan mos Presidente ba Komisaun Luta Kontra Trafiku Umanu ( KLAKTU ) Flaviano Moniz Leᾶo representa Ministru da Justisa. No formasaun ne’e hala’o durate loron rua hahu hosi Segunda feira, loron 16 to’o Tersa feira loron 17 fulan Outubro 2023 no hola fatin iha Salaun Administrasaun Munipal de Viqueque Partisapasaun baiha formasaun ne’e mai hosi Linhas Ministerias sira, PNTL Administradores Postus, Cefes Sucu no Cefe Aldeias, NGO Lokal no Internasional inklui veteranus Munisipio Viqueque,,
Jornalista; Eugenia Alves
Editor ; Florindo de Jesus
💪🥳💪