Estrutura Suco Carau-Balo kompostu hosi Cefe Suco, konselho suku, Delegadu-Delegada no Cefe Aldeia sira hala’o enkontru hodi koalia kona ba atividades suku nian nebe sei realiza iha suku caraubalo ba tinan 2024.
Cefe Suco Carau-Balo Joᾶo Batar Pinto husu ba estruktura Suco nian atu nafatin servisu hamutuk hodi hadiak no Dejenvolve diak liu tan Suco Carau-Balo ba oin, tamba Carau-Balo maka Suco ida nebe nia area kobertura hola ba cidade Municipiu Viqueque nian. Cefe Suco Ne’e mos hatutan dehan, “ iha atividades lubuk ida mak hosi Ministerio Administrasaun Estatal ( MAE ) Prezidente Autoridade Municipiu (PAM ) mai to’o iha Posto orient aka hato’o ona mai atu ita hala’o “.
Cefe suku caraubalo joᾶo Pinto hateten tan ,nia pasa ona informasaun ba Cefe Aldeia sira atu recolha dadus monografia no demografia atu lalais hodi enkaminha ba iha Posto no Posto enkaminha ba to’o iha Nasional. Tamba tuir Cefe Suco katak,atu koalia kona ba desenvolvimento nebe atu la’o diak iha suku informasaun ne’e tenki mai hosi baze, tamba ne’e ita tenki hato’o informasaun no daus ida nebe los, tamba ema ( Governu ) atu halo desenvolvimento iha Aldeia no Suku ne’e tenki bazia ba dadus.
Café suku caraubalo iha enkontru ne’e mos husu ba iha cefe aldeia no delegado no delegada sira atu labele halimar ho votus nebe povo fo ,tanba tuir Joᾶo Batar katak hahu estrutura konselho suku simu tiha pose balun nunka ka la tuir enkontru sira nebe maka hala’o iha Suco, ho ida ne mak cefe suku husu nafatin ba estrutura konselho suku caraubalu nian atu labele soe hela konfiansa no fiar nebe maka povo fo ba ita.
Entretantu enkontru refere hala’o iha Sede Suco Carau-Balo foin lalais ne’e no diriji hosi Cefe Suco no hetan partisipasaun Masimu hosi Estruktura tomak Suco Carau-Balo nian.
Jornalista; Lourensa Soares
