Cruz vermelha de Timor Leste ( CVTL ) nudar sosiedade Nasional ne`ebe ofisialmente moris no reconhecido Nasionalmente no Internasionalmente,atu halao Assembleia Filial no Juventude,tuir Estatutu CVTL iha artigo 36 katak tinan tinan tenki halao Assembleia Filial nomos artigu 39 temi mos kona ba konselho Diretivu Distrital Juventude reprezentante ema nain rua (mane 1 no feto 1).hodi bele suporta diak liu tan servisu actividade Juventude nian tuir planu Estratejiku CVTL nian ba tinan 2024-2026.
Actividade Assembleia ne`e halao iha fatin Edifisiu CVTL filial Viqueque (beloi, Mahuma tahu luar Carau Balo Viqueque sesta feira foin lalais (26-04-2024).
Koordenadora CVTL filial Viqueque Severina Marques da Silva Haktuir objective husi sorumutu ne`e maka;
- Atu hato`o progresu actividade,Orsamentu Tinan Fiskal 2022 no 2023
- Actividade Buka rasik Osan ( BRO ) ba tinan 202-2023
- Planu Annual ba tinan 2024
- Atu hili reprezentante Juventude nain rua (Feto ida no Mane ida ) ba period 2024-2026.
Cruz Vermelha hanesan Organizasaun Humanitariu nebe Eziste iha Timor Leste nia hanesan ausiliar ba ninia Governo ba Timor Leste nia mos laos Governo e nia laos mos ONG,ninia estatutu nebe mak haruka ona katak iha kada tinan ita tenki ser halao ita nia Assembleia Filial tanba Assembleia Filial ne`e ita sei aprezenta relatoriu Actividade nbee mak halao.tuir lolos kada tinan ita tenki halao Assembleia maibe iha iha tinan 2022 ita mos iha perkupasaun balun no hare mos ba parte fundus nebe mak iha atu ajuda hodi realize actividadene`e.
Koordenadora nemos relata liu tan katak depois de Assembleia remata sei tuir mos progarama segundu kona ba atu hili reprezentante feto ida no mane ida hanesan ba Delegado Juventude CVTL filial viqueque ba periodu tinan 2 hahu husi tinan 2024 to`o 2026.
Actividade ne halao hetan suporta orsamentu hamutuk dollar atus tolu ( $ 340.00 ) dollar atus rua ( $ 20.00) mai husi governo ausrtalia no dollar atus ida hat nulu ($ 140.00) mai husi actividade buka rasik osan iha CVTL filial viqueque.
Iha fatin hanesan Komandante Esquadra Viqueque Villa hato`o mos katak hanesan ita hotu hatene katak Cruz Vermelha laos buat foun ida tanba nia moris iha tempu pasadu agora no ba future;
tanba cruz vermela iha tempu pasado halao servisu nebe nebe ensensial hodi fo asistensia ba maluk sira nebe mak iha situasaun perigu no agora cruz vermelha fo asistensia iha sa oras no sa tempu iha risku nebe la tuir ita nia planu.
Wainhira fo nia asistensia Komandu Polisia Munisipiu Viqueque hanesan Ofisial polisia ida nia sempre fo Apoiu,apoiu nemak fo Siguransa ba pesoal nebe involve ba asistensia munisipiu Viqueque atu asegura sira nomos Asegura ba Vitima sira nebe mak hetan Dezastre.ba futuru komandu PNTL kontaktu nafatin tuir dutrina iha ita nia lei inan no sei lataka liman no sei koopera hamutuk ho voluntariu CVTL filial viqueque, atu hare ba vitima ba dezastre sira,no PNTL sei la hare ba Kor Ras no buat seluk maibe PNTL ba sidadaun hotu hotu iha Timor Leste espesial iha Munisipiu Viqueque husi PNTL komandu Munisipiu Viqueque sei apoiu masimu asegura nafatin ba actividade no asistensia nebe mak sei halao husi CVTL filial tantu iha munisipiu,postu,suku no to`o iha area rurais .
Partisipa ba sorumutu ne`e mai husi rep. president autoridade munisipiu husi admistrador postu admistrativo viqueque villa,rep. komandante PNTL m. viqq,rep. Map munisipiu viqueque ,president konselho directivu CVTL m. viqq ho nia membru, rep. secretaria geral CVTL nasional husi koord. CVTL filial baucau,komandante esquadra viqq villa ,xefi suco Carau Balo,CARE,CRS,Sefope,Smasa,delegado/a CVTL , membru activu ,kuota,membru juventude voluntario no staff CVTL filial viqueque.
Ekipa kobertura ; Radio Povo Viqueque
