Segunda feira ne`e liu husi intervista iha fatin Eskola EBC 01Beloi Viqueque Directur Eskola Dominggos Baptista haktuir katak wainhira tempu udan estudante sira labele tuir prosesu aprendesajen tanba areadores eskola no aula balun nakonu ho udan ben tanba kalen kuak.
“ Liga ho material meja,kadeira no aulas iha eskola EBC 01 viqueque sufisiente ba estudante sira, so iha aulas balun mak iha tempu udan Estudante sira labele kuntinua prosesu aulas tanba kalen kuak.no parte seluk Eskola EBC 01 viqueque iha los sentru iha capital munisipiu Viqueque no kondisaun ladiak tanba laiha moru protesaun no fasil los atu animal sira bele tama wainhira tempu udan.e estudante sira sempre hamos animal nia foer wainhira sira atu hahu aulas “.
Tuir Directur Eskola EBC 01 Viqueque katak husi Dirasaun Eskola halo Koordenasaun ona ho Admistrador munisipiu sesante Sr. Januario Soares no Directur Edukasaun munisipio kona ba atu halo moru protesaun nune`e hodi asegura Edifisiu Eskola tanba eskola EBC 01 Viqueque sai hanesan Imajen iha munisipio Viqueque nune`e husu atu toma atensaun ba Problema nebe mak eskola infrenta.
“ Diresaun Directiva eskola nian hato`o ona ba Admistrador munisipiu sesante Sr. Januario Soares no Directur Edukasaun munisipio kona ba oinsa atu halo moru protesaun ba Eskola EBC 01 Viqueque atu nune`e animal sira labele tama iha areadores eskola.Directur Eskola nemos hatutan katak aleiande halo audensia ho Admistrador Munisipiu hosi Diresaun Directiva eskola nian hato`o karta mos pedidu ba ministeriu Edukasaun maibe to`o agora sidauk hetan rezultadu .Husi parte eskola nian iha hanoin no espera katak Eskola EBc 01 viqueque sai hanesan Imajen ba Munisipiu Viqueque, atu diak liu ou lais liu importante mak tenki halo lalais moru protesaun ba eskola nian atu bele asegura mos Edifisiu Eskola nian e a`at liu tan mak iha tempu udan eskola ne`e nakonu ho Be`e tanba be`e dalan laiha halo estudante nebe mak atu tama ba area eskola nian ladiak “.
Entretantu hatan ba pergunta jornalista nian relasiona ho exame primeiru trimester nian nebe foin liu ba semana kotuk Directur Eskola EBC 01 Beloi Viqueque Vila, Dominggos Baptista haktuir katak tuir kalendaria Nasional Ixame ba periode primeiro realize iha loron 1 fulan Abril tinan 2024 ne’e no partisipa hosi alunus hamutuk atus tolu hat nulu resin hat (344). No nia mos klarifika liu dehan prosesu aprendijajen durante ne’e la’o normal.
“ Prosesu aprendesajen iha eskola basiko 01 viqueque hahu inisio iha tinan 2024 lao hanesan bai bain,no estudante sira nebe mak tuir izame ba periode primeiro hamutuk atus tolu hat nulu resin hat ( 344 ) nebe kompostu husi feto hamutuk 175 no mane hamutuk 169. Estudante nebe mak iha setimo ano hamutuk 112,oitavo ano 120 no nono ano hamutuk 112.Ixame ba periode primeiro hahu iha loron 1-5 fulan abril tinan 2024”.
Directur nemos hatutan liu tan katak iha Eskola EBC 01 Viqueque iha mos Bibleoteka no komputador atu hodi fasilita estudante no profesores sira nebe mak hakarak le`e no aprende.
“ Iha EBC 01 Viqueque iha ona Bibleoteka 1 no livru sufisiente ba estudante sira, laos ba Estudante ida ida maibe rezerva deit para estudante hodi le`e iha bibleoteka no tau fali iha nia fatin atu nune`e Estudante seluk bele mos uja ba le`e fali wainhira sira persija,no ida seluk fali iha Bibleoteka mos prepara Komputador no printer 6 atu hodi fasilita Estudante no professor sira nebe mak iha interese hakarak atu aprende iha area Komputador”.
Entretantu Professores/as permanente nebe hanorin iha Eskola Ensino Basiko 01 Beloi hamutuk 35 kompostu hosi feto iha nain 9 no mane ema nai’in 23 maibe oras ne’e dadauk nai’in tolu (3) moras hela no seidauk bele hanorin.
Jornalista Angelina Alves
Editor ; Florindo de Jesus
