Ba jornalista RPV quinta feira ne`e koordenador ba eskola primaria 09 waimori Antonio fereira Gonjaga haktuir katak Programa merenda eskolar nebe implementa husi ministerio edukasaun ne importante tebes tanba bele ajuda ona estudante sira hodi tuir prosesu aprendesajen iha eskola,no husu ba ministerio relevante atu aselera lalais programa merenda ne`e tanba tama ona ba Segundo period;
Tuir observasaun katak implementasaun husi programa merenda eskolar ne`e importante tebes tanba husi programa merenda eskolar ne`e bele ajuda estudante sira nia inan aman nebe balun laiha osan hodi fo ba oan sira atu merenda iha eskola.ho ida ne`e liu husi programa merenda ne`e ajuda tebes estudante sira tanba bele han hodi kuntinua aulas to`o remata,no hamenus ona osan nebe inan aman sira fo ba sira nia oan atu hodi ba sosa iha eskola.
Programa merenda eskolar iha tempu uluk nian sei asesu maibe agora laiha ona kuaze besik tinan ida ona,no husi parte Eskola Primaria 09 Waimori nafatin hein to`o bainhira mak programa merenda ne`e bele realize fila fali iha eskola eskola.
Koordenador. Eskola Primaria 09 Waimori nafatin husu tanba tinan 2024 tama primeiru periodu liu tiha ona no agora tama fali ona ba segundu periodu ne`e tuir lolos labarik sira tenki han ona maibe to`o oras ne`e labarik sira sidauk han e dalaruma labarik sira husi primeiru ano no segundu ano atu asesu nia materia to`o hotu maibe dalaruma estudante sira ne`e hamlaha entaun sira tenki fila ba uma,ne`e duni husu atu aselera lalais programa merenda eskolar ne`e.
Ekipa kobertura ; Radio Povo Viqueque
