Wednesday, April 17, 2024
spot_img
HomeFoto GaleriaCSSMV hala’o enkontru ho Rede Referal sira iha Municipiu Viqueque.

CSSMV hala’o enkontru ho Rede Referal sira iha Municipiu Viqueque.

Servisu Centru Solidaridade Sosial Municipiu Viqueque ( CSSMIV ) hala’o enkontru ho Rede Referal sira hodi abdeit informasaun durante fulan tolu hahu hosi Janeiru to’o Marsu 2024 ne’e, no hola fatin iha edifisiu CSSMI nian. Director CSSMIV Geraldo de Carvalho dehan, objetivu hosi enkontru ne’e maka atu halo intervensaun no papel hodi apoiu no responde sedu ba Vitima Feto no Labarik iha Municipiu Viqueque.

“ Dala uluk ita koalia kona ba Rede Referal ho nia objetivu hosi enkontru ne’e maka atu halo intervensaun no papel hodi apoiu no responde sedu ba Vitima Feto no Labarik iha Municipiu Viqueque no Up-date kazu tinan 2024 iha fulan Janeiru mai to’o Marsu nebe maka responde ona. Ho ida ne’e maka ohin ita halibur malu iha ne’e hodi hare fila fali ba kazu sira ne’e, no oinsa ita atu hare ba oin kona ba kazu sira relasiona ho Feto no Labarik sira. Ita hotu tenki hamutuk hodi buka tuir no hamutuk halo buat nebe diak ba ita nia Inan Feton sira no Labarik”.

Entretantu Geraldo mos haktuir liu tan katak kazu barak relasiona ho Feto no Labarik sira maka dala barak Ministeriu Publiku taka tiha deit tamba evidensia la forte.

“ Foin dadauk hau lori Vitim aba iha Baucau hau rona informasaun hosi Directora PRADET katak kazu barak maka to’o iha Ministeriu Publiku sira sempre taka tiha deit, tamba saida? Ninia evidensia ladun forte. Karik iha koperasaun entre ita ho Ministeriu sira seluk ladun diak, ho ida ne’e maka ninia evidensia ladun forte. Maibe buat nebe maka Vitima sira sente ne’e todan no ita la sente, tamba ne’e maka ita sira iha ne’e hamutuk hodi bele hetan solusaun ida no bele halo karta akordu ida hi Ministeriu Saude hodi bele fo atendementu ba Vitima sira ho regor hodi bele fo satisfasaun ba Vitima sira liu liu ba Feto no Labaril sira”.

Iha fatin hanesan Ofisial Protesaun ba Labarik Juliana Soares dehan, kazu Violensia Domestika nebe akontese durante fulan tolu uluk ne’e hamutuk rua nulu ( 20 ) no kazu nebe akontese ba Labarik sira hamutuk tolu ( 3 ).

“ Kazu Violensia Domestika nebe akontese durante fulan tolu uluk ne’e hamutuk rua nulu ( 20 ) ba ema Feto adultu no kazu nebe akontese ba Labarik sira hamutuk tolu ( 3 ). Kazu Violensia Domestika ba ema adultu maka ida involve ita nia inan feton ida ho kondisaun Difisiensia no oras ne’e dadaun hala’o hela tratamentu. Ba future ami sei haruka fali karta no hasoru malu ho parte Saude nian atu bele reativa fila fali kona ba Task Pradet nebe maka durante ne’e paradu hela”. 

Juliana Soares mos mos dehan difikuldade balun nebe maka sira hasoru maka kondisaun Estrada nebe la diak no tenki ultrapasa mota laran difikuta tebes ba Vitima sira wainhira tempu udan no mota bot, susar atu lori lalais Vitim aba to’o iha Ospital no fatin atu vitima sir abele deskansa. Tamba ne’e nia parte sei hasoru malu ho parte Saude nian hodi diskute mos kona ba fatin provizoriu ba Vitima sira wainhira hala’o tratamentu saude. Ofisial Protesaun Labarik Municipiu Viqueque, Juliana Soares mos husu ba Feto sira no Labarik hotu atu iha kazu ruma karik labele nonok deit maibe tenki relata ba iha parte Polisia ou bele mos ba iha pesoal MSSI nian nebe iha kada Postu k abele mos telephone direta ba iha Nomeru nebe maka fo on aba iha publiku. Nia mos husu atu inan aman sira tau matan ba labarik sira tamba agora ne’e tempu udan no ne’e fo risku ba labarik sira.

Entretantu enkontru rede Referal ne’e partisipa hosi membrus Rede sira nebe estabelese ona iha Municipiu Viqueque nia laran hamutuk rua nulu ( 20 ).

Jornalista; Adriano A. Mesquita

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x