Plosia Nasional Timor Leste ( PNTL ) Municipiu Viqueque sei estabelese tan Konsellu Polisiamentu Komunitariu ( KPK ) iha Suco sanulu resin lima nebe namkari iha Municipiu Viqueque nia laran. Ba jornalista Radio Povo Viqueque Komandante PNTL Municipiu Superintendente, Antonio Rego Fernandes hatutan tan dehan orsamentu atu estabelese KPK Suco iha ona.
“ Ita iha ona orsamentu, dadaun nee ita mos simu ona livru orsamentu ba Polisia Komunitariu nian espera katak depois de realizasaun ita nia orsamentu polisia komunitariu nian ita komesa la’o ona. Liu-liu mak ita sei estabelese tan KPK iha Sucu 15 nebe mak iha munisipio viqueque laran seidauk estabele, durante ne’e foin mak estabele iha Sucu 21, maibe ita nia orsamentu ba tinan ida ne’e 2024 naton bele para estabelese tan KPK ba Sucu 15 nebe dadaun nee seidauk iha. Ita nia orsamentu ne’e besik $ 20 mil, sufisiente atu nune’e bele estabelese KPK iha suku sira no mos ba atividade sensibilizasaun konaba lei sira ne’e ba ita nia komunidade liu liu ba estudante ita sei planu ba iha eskola sira hodi esplika konaba lei criminal no lei kodigo estrda ba estudadente sira”.
Nia hatuir tan katak
“Obejetivu estabelese KPK ne’e hanesan polisiamentu, atu fornese informasaun ba ita nia autoridade seguransa no sira presensa iha neba atu halo asaun ruma konaba prevensaun nian no involvimentu ne’e kompostu husi autoridade Sucu no aldeia, lia nain, autoridade Veteranus, ita tau ema iha neba atu forma sira, atu nune’e ba oin ne sira mak sai hanesan mediador no negosiasaun ba problema sivil no sosiais nebe akontese iha sosiedade, por ezemplu hanesan hadau malu plantasaun, dun malu nst. Buat sira ne hotu hanesan kazu sivil kazu sira hanesan ne kompetensia ita fo ba sira depois sira bele resolve tanba ita fo deit formasaun oinsa mak sira mekanismo hodi bele resolve, ita fo medida ba sira oinsa sira identifika no oinsa sira buka solusaun ba problema ne’e, karik problema nee hotu ona maibe akontese tan ne’e, oinsa sira bele avalia fila fali ba problema sira ne’e halo mediada para bele resolve problema ida ne’e ita sei fo formasaun ba sira”.
Komandante PNTL Municipiu Antonio do rego Fernandes hato’o lia hirak ne’e iha Suco Loi Huno Posto Administrativo Ossu wainhira halo vizita servisu iha neba foin lalais ne’e hodi hasoru malu ho Autoridade Sucos no komunidade sira.
Jornalista; Eugenia Alves
