Governu liu hosi ESTAE no CNE sei realiza Eleisaun Suco ba Suco sanulu iha Teritoriu TL iha fulan Abril tinan 2024 ne’e. Lia ne’e hato’o hosi Vise Ministru Administrasaun Estatal ( MAE ) Jacinto de Deus Rigoberto iha Salaun Adminiatrasaun Municipal de Viqueque foin lalais ne’e wainhira fo pose ba PAM foun ho nia estrutura sira. Vise MAE ne’e mos konfirma liu tan dehan, ba Suco sira nebe maka tama hela iha rekejitus no planu Governu sei deside fali karik iha fulan Outubro ou bele mos tinan oin (2025).
“ Iha fulan Abril ita sei hala’o Eleisaun Suco ba Suco sanulu (10) nebe maka aprovado tiha ona maibe seidauk hala’o eleisaun, ne’e duni iha fulan Abril ne’e ita sei halo Eleisaun ba sira. I ba Suco sira nebe maka tama hela iha rekejitus no planu ne’e Governu sei deside fila fali dala rum abele iha Outubro 2024 ou bele iha tinan oin karik “.
Entretantu Jacinto Rigoberto mos deklara katak Oras ne’e Governo liu hosi MAE halo hela akizisaun fardas ba Cefe Sucos sira no kada Suco sei hetan tan motor rua ( 2 ).
“ Oras ne’e Governu sei hala’o hela prosesu aprovizonamentu ba prosesu akizisaun farad aba Cefe Sucos sira no mos sei fo motorizadas rua rua ba kada suco iha Teritoriu Timor laran tomak”.
Nune’e mos Vice Ministru Administrasaun Estatal ne’e mos konfirma katak,
“ iha tempu badak Governu mos sei hari Balkaun Unika iha kada Municipiu inklui mos Municipiu de Viqueque atu hodi fasilita hodi bele halo atendementu diak ba Publiku “.
Tuir Oarariu nebe maka RPV asesu liu hosi ESTAE Municipiu Viqueque katak Eleisaun ka Votasaun ba Cefe Suco cefe Aldeia no Delgdu/a sira sei hala’o iha loron ruanulu resin hitu (27) fulan Abril 2024 ne’e no ba segunda ronde/volta sei hala’o iha loron sanulu resin tolu (13) fulan Maio 2024.
Atu informa mos ba ita hotu katak iha Municipiu Viqueque rasik iha Suco ida (1) deit maka sei hala’o Eleisaun Suco ba fulan Abril 2024 ne’e, maka Suco Builo, Posto Administrativo Ossu, tamba suco refere foin estabelese iha tinan kotuk no seidauk hala’o Eleisaun Suco iha tinan 2023 liu ba.
Jornalista; Adriano A. Mesquita
