Kandidaturas Feto ba Eleisaun Suco iha Municipiu Viqueque hamutuk ema nai’in lima nulu resin tolu ( 53 ) no Feto nai’in sanulu resin hitu ( 17 ) maka compete ba iha Cefe Suco no nai’in tolunulu resin nen ( 36 ). Lia ne’e hato’o hosi Prezidente Asosiasaun Feto Municipiu Viqueque, Luciana Guteres iha Studiu RPV nian wainhira partisipa iha Tolkshow Radiu hodi koalia kona ba oinsa Asosiasaun nia esforsu atu hodi enkoraja Feto maluk sira hodi compete iha Eleisaun Suco nebe sei hala’o iha loron ruanulu resin ualu ( 28 ) fulan Outubro tinan 2023 ne’e.
“ Actividade ida ne’e ami hala’o ba iha Postu lima hanesan, komesa hosi Watucarbau, Watulari, Lacluta, Ossu no ikus liu iha Postu Viqueque no ita hetan ita nia maluk Feto sira nebe prepara an ona atu hodi compete ba iha Eleisaun Suco no Aldeia total Feto kandidatura iha Municipiu Viqueque hamutuk lima nulu resin tolu, no nai’in sanulu resin hitu maka compete ba iha cefe Suco e compete ba iha Cefe Aldeia hamutuk Feto maluk 36. Desiminasaun ida ne’e ami hala’o tamba kopera hamutuk ho Pontu Vokal Sekretaria Estadu Igualdade ( SEI ) Lia Nai’in, Veterana no mos Autoridade Postu nian liu liu Administrador Postu sira hodi la’o hamutuk fo apoiu ba ekipa ida ne’e tun direita ba iha postu sira atu hodi hatene lolos ita nia kandidatura Feto sira iha Suco ida-idak”.
Entretantu Kandidaturas Feto sira ne’e, Asosiasaun Feto Potensial Municipiu Viqueque hetan wainhira sira hala’o sosializasaun hadulas Posto lima nebe estabelese iha Municipiu Viqueque nia area kobertura durante semana ida hodi desimuna informasaun ba feto maluk sira atu kandidata an. No durante sosialijasaun iha Postu, Asosiasaun la la’o mesak maibe sira kopera ho Pontu Vokal SEI municipiu nian hodi fahe mos informasaun kona ba Halakon diskriminasaum kontra Feto no labarik. Nune’e mos hetan mos partisipasaun hosi Lia Nai’in hosi kada Postu Administrativu sira hodi koalia kona ba kultura nian nebe la taka dalan atu feto sira labele kandidata an ba iha Cefe Suco no Cefe Aldeia.
Prezidente Asosiasaun Feto Municipiu Viqueque, Luciana Guterres mos hateten katak,durante semana ida nia laran sira hala’o actividade sosialijasaun hodi enkoraja Feto maluk sira atu kandidata an ba iha Cefe Suco no Cefe Aldeia ,ekipa mos simu informasaun no preokupasaun hosi Feto maluk sira iha Postu balun katak sira la hetan Lista Kandidatura no ameasa hosi Cefe Sucos actual balun.
“ Ita nia maluk Feto sira nia preokupasaun hato’o mai katak sira hetan obstakulu, hetan problemas no susar los atu hetan Lista Kandidatura. Ita iha Municipiu halo linya kordenasaun ho Postu sira Suco sira nebe diak tebes, forte tebes maibe sira hetan dejafiu bot iha sira nia fatin liu liu iha Suco no Aldeia feto maluk sira dehan Lideransa Sucu sira balun la fo oportunidade ba sira no ameasa tan feto sira katak wainhira emi hetan Lista Kandidatura la liu hosi hau maka emi sei hare. Mane balun mos dehan lalika fo apoiu ba feto tamba nia sai Cefe Suco ka Cefe Aldeia atu halo saida? Balun mos dehan lalika fo apou ba nia tamba nia ne’e Feto Foun”.
Atu fo hanoin fila fali katak iha Eleisaun Suco tinan 2016 liu hosi Sucos 35 nebe estabelese iha Municipiu Viqueque nia laran hetan deit feto maluk ida maka eleitu ba Cefe Suco nebe mai hosi Suco Bibileo Postu Administrativu Viqueque Vila.
Jornalista ; Lourensa Soares
Editor ; Florindo de Jesus
🥰💪