Uniaun Nasional de Pequenas Emprezarial ( UNAPE ) munisipio Viqueque fo treinamento ba membrus hamutuk hat nulu resin lima (45) durante loron rua iha salaun IADE Beloi Viqueque foin lalais ne’e.
Presidente Asosiasaun UNAPE Gilberto R. da Costa liu husi entrevista ba jornalista Radio Povo Viqueque (RPV) kinta feira semana ne’e katak, “ objection husi formasaun ne’e atu eleva membro UNAPE sira nia koinesemento kona ba planu negosiu, oinsa hahu sira atividades iha area komersiu nian, no objective seluk maka atu bele fasilita negosiante sira hetan sertifikadu, atu bele asesu ba kadeia de valor”.
Gilberto .R. da Costa hanesan Presidente Asosiasaun UNAPE espelika tan,
“membro sira ne’ebe tuir treinamento ne’e sei aprende material modul tolu mak hanesan : mehi hahu negosi, halo planu aktividade orsamento ,no objektivo sira nia mehi”.
Entretantu Gilberto mos haktuir tan katak “partisipante nebe partisipa iha formasaun ne’e mai hosi negosiante husi Posto Administrativu lima hanesan Posto administrative watucarabau, watulari, Ossu, Lakluta,no Viqueque vila”.
Presidente Asosiasaun Uniaun Nasional de Pequenas Empresa (UNAPE) munispio viqueque ne realsa tan katak, “ iha Asosiasaun UNAPE ho total memro hamutuk lima nulu {50} membro sira ne mai ho sira nia aktivdades hanesan; Pekoaria, Komerciu, kios, alfai-ati, no seluk tan”.
Nune’e mos Presidente UNAPE Gilberto R da Costa mos esplika liu tan dehan;
“ iha treinamento ne’e ,treinador mai husi Banku ANZ no fasilitador ba treinamento ne’e maka UNAPE Munispio Viqueque, no formasaun ne atu haklean liu tan membro sira nia koinesemento diak liu tan iha area negosiu nian oinsa sira bele halo sira nia negosiu ba iha future”.
Entretantu formasaun ne’e rasik hala’o durante loron rua (2), hahu hosi Kinta feira loron loron 4 to’o Sesta feira, 5 fulan Abril 2024 ne’e.
Jornalista; Angelina Alves
Editor; Florindo de Jesus
