Tuesday, June 18, 2024
spot_img
HomeFoto GaleriaPosto Lacluta preparadu hodi komemora 20 de Maio

Posto Lacluta preparadu hodi komemora 20 de Maio

Autoridade no povo iha Posto Administrativo Lacluta preparadu ona atu hodi komemora loron Restaurasaun Independensia ba dala XXII ( rua nulu resin rua ) 20 de Maio 2024 ne’e. Administrador Posto Administrativo Lacluta ( APA ), Pascoal Gama Martins hato’o lia ne’e wainhira jornalista RPV halo intrevista Live via telephone hodi prense programa Hamaluk Ouvintes dader iha studio RPV Kinta feira loron 16 fulan Maio ne’e. APA Lacluta haktuir dehan,

“ Kona ba preparasaun hodi komemora loron Restaurasaun Independensia 20 de Maio ami preparado, no ami mos forma ona komisaun hodi hala’o actividades balun no mos ekipa no koru ba eixar Bandeira mos preparadu no Escola Costal maka sei responsabilija ba koru no dada bandeira no hetan treinu hosi PNTL Esquadra Lacluta maka responsabiliza ba treinamentu. No kona ba partisipasaun hosi komunidade sira nian, hanesan ita hatene agora dadauk ne’e udan tau la para. Posto Lacluta iha Suco hat (4) maibe Suco 3 hela iha foho no mos sira tenki hakur mota tolu maka foin bele to’o iha Posto. Tamba ne’e karik iha loron 20 de Maio maka akontese udan bot no mota tun entaun sira labele partisipa. Maibe ami garante katak Suco ida nebe iha Posto laran no mos Cefe Sucos sira, Cefe Aldeia sira sei pattisipa no estudantes sira iha Posto laran enklui profesores sira hotu “.

Pascoal Gama Martins mos deklara katak orsamentu nebe maka aloka ba Posto Lacluta hamutuk dolarrs Amerika rihun ida ( $ 1000,00 )

“ Orsamentu hodi komemora loron 20 de Maio nia ami hosi Posto Lacluta hetan dolar rihun ida ( $ 1000) no ami simu ona osan ne’e hosi Municipiu ami mos koloka tuir ona Item nebe maka ami iha tuir seksaun seksaun sira ida idak hodi hala’o actividade sira relasaun ho komemorasaun ne’e “.   

Entretantu APA Lacluta ne’e mos husu ba Povo Lacluta tomak especial no em jeral ba populasaun hotu iha Municipio Viqueque nia laran atu hola parte hodi partisipa iha Loron Nasional sira liu liu loron 20 de Maio hodi dignifika ita nia Eroi sira nebe maka sakrefika ona sira nia vid aba Nasaun ida ne’e.

“ Espesial ba komunidade Suco 4 iha Posto Lacluta atu loron 20 de Maio ne’e hanesan loron ida nebe maka espesial tebes ba ita hotu, tamba ne’e hau hanesan Administrador apela ba ita hotu iha Lacluta atu mai hotu hodi partisipa iha loron ne’e, hodi Hanoi fila fali ba Asuwai’in sira nebe maka mate ba Rai ida ne’e hodi liberta ita  hodi hetan ukun rasik an. Tamba ne’e husu atu partisipa ho fuan ho domin para it abele sente katak loron ida ne’e ita nian duni. Nune’e mos ba Ita tomak iha Municipiu Viqueque nia laran atu liu liu iha ida idak nia Posto atu bele partisipa iha loron 20 de Maio ne’e hodi hatudu ba Municipiu seluk katak ita Viqueque mos orgullu duni ho loron ida ne’e “.

Atu informa deit ba ita tomak katak Posto Lacluta ho nia Sucos hamutuk 4 no nia populasaun hamutuk rihun lima resin no distansia hosi Kapital Municipiu Viqueque ba Posto Lacluta mais ou menus 35 Km.

Jornalista ; Adriano A. Mesquita.

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x