Wednesday, April 17, 2024
spot_img
HomeFoto GaleriaNotisia RPV : Turista Alemanha vijita Suco Loihuno

Notisia RPV : Turista Alemanha vijita Suco Loihuno

 

Segunda feira loron sia ( 9 ) fulan Outubro 2023 semana nee Turista hosi Nasaun Alemanya hamutuk nai’in nen ( 6 ) hala’o vijita mai iha Suco Loi Huno nebe simu hosi eskola EBF  Falur Rate Laek  hamutuk ho komunidade. Komunidade sira mos aprejenta Produtu Lokal hanesan Homan, Soru Tais, Suku no Dansa Tradisional Suco Lihuno nian no lori Turista sir aba hara fatin Turismu Komunitariu sira nebe lokaliza iha Suco refere. Cefe ekipa Turista sira nian, Martin Klumpmann hateten maske sira foin maka mai ba dala uluk, maibe sira sente kontente los hodi hare Timor nebe furak ho nia ambiente no nia emar sira mos mesak diak no respeitozu hodi simu sira.

“ Maske ami  mai timor  ba dala uluk  hau sente orgulho tebes  hare ba nasaun nebe furak tebes no nia ema nebe furak no fo benvindo kapas no ami hare  fatin turismo nebe diak tebes entaun ami  mai  iha nee atu hare vizita fatin turismo sira iha suku Loihuno  nian no situasaun moris nia iha  timor,interese tebes tanba bele hare  oinsa halo roupa tradisional tuir prosesu nebe tradisional no prosesu ne mos iha ami nia  nasaun la uza ona  iha tinan atus ida liu ba makina sira komesa halo no hau senti orgalhu tanba ema iha nasaun nee sei uza   tradional ,maske nee dehan produto cultural liga metin ho nasaun timor ,maibe se ita esplika konaba kultura nebe ligadu ho produtu ida nee iha rai liur hanesan iha ami nia rai jermania no ema sira mos sei interese atu hatene konaba  produtu nasaun timor nian no atu sosa produto nee  sira komprende  nia arte mak saida. Sente orgulho  tebes tanba hau mos  hetan tais uituan  hau  kontente atu   lori ba hau nia rai  atu nunee hatudu ba kolegas  familias sira no mos ba grupo balun,hamutuk ho foto video nebe ohin hau   hasai  tanba sira mos gosta hare   husi parte  kultura  sira seluk karik sira seidauk bele mai vizita tanba dok uituan ,diak se timor hakarak dada turista aumenta  tan  atu ekonomia  bele dezenvolve maibe tenke ho kuidadu tanba buat sira nebe esesial  konaba fatin sira nee  katak turista  laos barak demais   fatin balun nebe mak rame demais ba  turista  hau ladun gosta ba fatin turismo nebe nebe  nakonu ho turista maibe hau gosta liu mak fatin turismo nebe hakmatek hanesan iha suku nee hau iha nee sente orgulho  tebes bele nafatin iha tempu nebe ita goza hamutuk no laos rame liu diak maibe hau sei aumenta tan hanesan halo  ilkan hodi dada turista barak aumenta tan”.

Alende nee sefe suku loi huno  Miguel da costa melo dehan nia sente kontente tamba bele hetan vijita hosi Turista Alemanya hodi bele hare rasik natureza Suco Loihuno nian no bele vizita mos fatin istoriku sira nebe iha.

“ Ne’e hau sente kontente   tebes  tamba hetan vijita husi turista  sira ba turismo komunitario mai tama iha ami nia suku aldeia para atu apresenta ita nia Tradisaun, Cultural  no Natureza ruma iha suku ida ne ‘e hodi bele  atrai  sira hodi  mai   investe osan  ba ita nia komunidade  sira ba ita nia governo ida nee mak halo hau sente orgulhu no kontente tebes  agradese  ba sira nebe mai  ita apresnta  ita nia kultura sira bele mai hare  I depois  sira lor fali ba hateten iha mundo neba  iha asia afrika  nia laran para ema sira nee bele mai vizita ita nia  lokal  suku  no aldeia  ita nia fatin historiku sira ita nia cultural sira ita mos presiza promove didiak hodi atrai  turista sira mai  para investe osan  ba ita nia komunidade sira,ida nee mak hau nia hakarak” .

Iha fatin hanesan  representante  komunidade  manuel  Francisco da crus mos senate orgulho tamba bele hetan ona Vijita hosi Turista estranjeiru sira Nia hatutan dehan ne’e hanesan pasu ida importante bele loke ona dal aba sira ( turista ) atu mai hare ita nia fatin tuirsmu sira nebe ita prepara.

Hau sente orgulho tebes  tanba turista ohin loron  mai vizita fatin historiku nebe prepara  entre  husi  ami suku Loihuno ho Ossorua nebe turista sira mai vizita fatin Historiku sira   hanesan ne’e  sente orgulho tanba ida nee hanesan prepara ba jerasaun  future moris bele diak liu tan ,no hau sente orgulho tebes. Tanba nee Husu nafatin ba Governo atu hadia   fatin turismo  sira nebe lokaliza iha kada  Munisipio sira, atu nune’e nafatin  atrai  turista sira husi Nasaun seluk nebe hakarak mai vizita  ita nia Nasaun liu liu ba iha Municipiu, Postu Sucos no Aldeia hodi hare fatin historiku  sira”.  

Entretantu Suco Loihuno Pertense ba Posto Administrativu Ossu, Municipiu de Viqueque no konyesidu ho nia Be’e Tisik ( air terjung ) nebe iha kedas Estrada Nasional Dili Viqueque nia ninin nebe atria tebes ema nia matan wainhira halo viajen hodi Dili mai Viqueque ka Viqueque ba Baucau no Dili, no mos nia Turismu Istoriku We’e Tiki Raka, Wasadila no seluk tan.

 

Jornalista  : Eugenia Alves

Editor        : Florindo de Jesus

 

RELATED ARTICLES
Continue to the category

3 COMMENTS

4.5 2 votes
Article Rating
Subscribe
Notify of
guest
3 Comments
Oldest
Newest Most Voted
Inline Feedbacks
View all comments
Jenyfer
Jenyfer
6 months ago

💪💪🥳🥰

Rodino
Rodino
6 months ago

Bravo 💪🙏🙏 hatutan no habelar Lian komunidade ba Ema tomak 😎🤠

Enky
Enky
6 months ago

Kontinua hatutan lian komunidade 😉😊🥰

Fans na'in: mak rona hela.
Loading ...

Trending Semanal.

3
0
Would love your thoughts, please comment.x
()
x