Friday, May 17, 2024
spot_img
HomeFoto GaleriaMCI organija Feira produtu local durante loron tolu iha Municipiu Viqueque

MCI organija Feira produtu local durante loron tolu iha Municipiu Viqueque

Ministerio Comercio no Industria ( MCI ) organija feira ba produtu local durante loron tolu ( 3 ) iha Municipiu Viqueque nebe hahu hosi Sesta feira loron 10 to’o Domingu loron 12 fulan Maio tinan 2024 ne’e no hola fatin iha kampu Demokrasia Viqueque Vila hodi komemora loron Restaurasaun Independensia RDTL ba dala rua nulu resin rua 20 de Maio 2024. Ministru Comercio Industria Nino Pereira iha nia intervensaun wainhira halo abertura ba feira refere dehan, feira ne’e ho nia objetivu atu hodi promove ita nia produtu sira nebe iha no atu hodi kontribui ba ita nia dejenvolvementu ekonomia iha ita nia rai laran.

“ Iha politica nonu Governo Konstitusional nebe maka kabe ba iha kompetensia MCI nian maka atu halo divulgasaun produtu hotu hotu nebe maka rai ida ne’e ( ita nia Nasaun ) iha, tamba ita hatene katak  95% ita nia populasaun moris ho vida agricultor nebe maka fornese buat barak hodi ita bele transforma produtu hosi agricultura nian ne’e hodi bele sai hanesan produtu industry hosi actividades oin oin nebe maka ita halo. Principalmente ita hakarak atu desenvolve ita nia ekonomi ita hakarak manten ita nia ekonomia, ita hakarak atu kore povu hosi kiak no mukit, ita hakarak kriasaun pontu empregu ida ne’e maka sai pontu principal. Tamba ne’e maka presija tebes iha mekanismu iha dalan para atu hodi demonstra produtu sira nebe maka mai hosi liman badinas sira hodi promove ita nia produtu sira ne’e nebe maka mai hosi produtu local ka produtu arte zenatu ka produtu sira seluk tan, Entaun dalan ida maka liu hosi feiras sira hanesan ne’e atu iha Nasional ka iha Municipu ou bele mos iha eventu Internasional sira. No feira ne’e la’os sekedar halo deit ka ita dehan komemorativa tamba ita dehan katak se ita fo espasu, ita kria eventu oin oin entaun ita promove ona “.

Nune’e mos Ministru Nino Pereira hatutan dehan durante ne’e ita konsumu barak liu maka produtu hosi rai li’ur no ita la fo valor ba ita nia produtu hosi rai laran,

“ Tamba ita rekonyese katak durante ne’e ita konsumu barak liu produtu hosi rai li’ur no ita lakonsumu produtu rai laran ,maske iha produtu balun maka ita produs ona iha ita nia rai laran maske nia kuantidade seidauk bot, maibe produtu sira ne’e bele subtitui ona produtu importadu sira ne’e. Tamba ne’e maka ita presija haka’as an liu tan, ita presija hadomi liu tan ita nia produtu. Tamba se ita la hadomi ita nia produtu rasik no ita hadomi fali produtu sira hosi rai li’ur ne’e signifika katak ita rasik maka kontribui fali ba dejenvolvementu ekonomia Nasaun seluk nian. Tamba saida , ita sosa osan sei sai fali ba Nasaun seluk se ita sosa ita nia produtu iha rai laran entaun osan sei sirkula deit iha ita, hosi liman id aba fali liman seluk, hosi liman agricultor ba fali iha liman vendedor sira, No sei kria kampu trabalho barak liu tan auto empregu mos barak liu tan   Tamba ne’e maka ita hakarak atu promove ita nia ekonomia iha rai laran ekonomia nebe maka ho nia baze fundamental iha ita nia povo sira. Tamba ne’e maka ita dehan ita tenki sai nai’in duni ita labele sai fali adeptus ka penonton iha ita nia rain rasik “.

Entretantu Ministru Ekonomia Industria Nino Pereira mos reasa liu tan katak iha loron sanulu resin lima  ( 15 ) fulan Maiu ne’e sei iha mos Feira iha Nasional ( Dili ) no grupu sira nebe kualifikadu hosi Municipiu sira sei partisipa iha neba.

“ Iha dia 15 fulan Maio ne’e ita sei kria eventu bot ida iha Dili no ita sei lori mos mos reprejentante ho produtus lokais potensiais sira nebe identifika iha Municipiu sira inklui Viqueque ne’e sira mos belehetan oportunidade atu demonstra sira nia produtu iha nivele Nasional. Ita mos sei identifika tan produtu sira  balun tamba tinan oin ita sei halo Dili Internasional Plan ita sei lori tan ita nia produtu sira nia produtu nebe maka diak diak ne’e demonstra hodi halo ligasaun ou konektividade ba investor sira iha rai li’ur. Ita dehan hanesan ne’e tamba ita nia produtu sira ne’e organiku, no ema barak iha rai li’ur gosta liu maka sasan sira nebe maka organiku. Tamba ne’e ita tenki kontente nudar Timor oan tamba ita nia produtu sira mesak organiku deit, no ne’e bele lori osan barak mai ita nia rain no bele kria mos investimentu nebe bo’ot “.

Entretantantu Ministru Nino Pereira mos agradese ba Autoridades Municipal nian tamba bele kopera diak tebes ho MCI hodi bele realija actividade feira ne’e durante loron tolu nia laran  no mos grupu sira hotu nebe maka fo ona sira nia tempu hodi bele partisipa ka hola parte iha feira refere. Abertura b aba Feira ne’e rasik partisipa hosi Ministru Comercio Industria no nia komitiva, Sekretarios Municipal nai’in tolu, Directores linhas Ministeriais sira, Administradores Postos Administrativos lima no partisipantes ba aprejentasaun produtu local hamutuk stand hat nulu resin nen nebe mai hosi Postos lima iha Municipiu Viqueque nia laran.

Jornalista ; Adriano A. Mesquita

 

 

 

 

 

 

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x