Wednesday, April 17, 2024
spot_img
HomeFoto GaleriaNoticia RPV; Sociadade Civil preokupa ho sistema be’e mos iha Viqueque

Noticia RPV; Sociadade Civil preokupa ho sistema be’e mos iha Viqueque

Sociadade Civil preokupa ho sistemea bee mos iha Municipiu Viqueque nia laran. Agosto Pinto, Director Fundasaun Knua Haberan Comunidade ( KHC ) iha nia servisu fatin Suco Uma Ki’ik Beobe Sesta feira loron 4-08-2023 ne’e, hato’o ba jornalista RPV katak hanesan Sosiadade Civil preokupa tebes ho Sistema bee mos iha Municipiu Viqueque nia laran tomak, liu liu iha Viqueque vila nebe hanesan Kapital Municipiu. Tamba bee nebe maka iha la sufisiente atu atende ba komunidade sira nebe maka hela iha ne’e.

“ hanesan Sosiadade Civil ida nebe existe iha Viqueque, hau preokupa los ho sistema bee mos nebe maka agora dadauk iha ne’e. Tamaba be ne’e la sufisiente atu atende ba ita nia komunidade sira. Pelu menus BTL tenki halo investimentu ida, tau orsamentu nebe bot ba iha ifraestrutura bazika sira ne’e liu liu liga ba iha be mos nian atu nune’e it abele identifika tan fatin ruma nebe bele oferese tan bee mai iha Viqueque ou bele halo estudu ruma oinsa bele hetan tan bee seluk. Ida seluk tan maka karik bele be matan sira nebe maka iha tenki tau mos atensaun hodi tau orsamentu ruma atu bele komunidade sira nebe uza be matan ne’e bele halo konservasaun, hodi nune;e tinan id aka rua ba oin be matan ne’e bele aumenta tan bee no komunidade sir abele uza e la hein deit ba bee nebe oferese hosi BTL. Mais liu liu tenki tau orsamentu nebe naton, tamba Viqueque ne’e menus bee”.

Agosto Pinto mos hatutan tan katak, parte Sosiadade Civil halo ona diskusaun ho BTL Municipiu Viqueque no SEMASA liu liu liga ho asuntu Bee no Saneamentu. No parte BTL rasik deklara katak iha Municipiu Viqueque ne’e rasik bee ne menus liu no BTL halo ona estudu ba asuntu ne’e.

“ Ita halo diskusaun ona ho Instituisaun BTL Municipiu, SEMASA liu liu liga ba Bee no Saneamentu nian, iha diskusaun ne’e hatudu katak komunidade iha Viqueque ne’e barak liu maka seidauk asesu ba Bee mos. Tamba bee ne’e rasik la sufisiente atu fornese ba komunidade sira nebe atu hetan bee ne’e. BTL rasik hateten katak bee ne’e rasik menus, sira hateten katak sira halo ona estudu hodi hatudu katak bee maka menus. Maibe dala ruma mos ita hare iha besik sira ne’e fasilidade bee mos ne’e iha maibe bee rasik laiha, ita la hatene tamba sa? Ninia gestaun ba bee ne’e maka ladun diak ka ita nia komunidade sira maka laiha konsiensia hodi fura kanu arbiru no estraga deit bee karik ita la hatene”.

Entretantu Director Fundasaun KHC Agosto Pinto mos informa katak agora dadauk ne’e komunidade balun ho inisiativa rasik halo ona konservasaun ba bee matan sira atu nune’e bele uja iha tempu naruk. Maibe nia kestiona kona ba bee ne’e rasik ninia kualidade mos ka lae. Agosto Pinto deklara liu tan dehan tuir nia observasaun foin maka iha bee matan rua nebe komunidade sira konserva no hetan ona teste laboratoriu hosi parte SMASA no deklara katak mos no bele konsumu ona. Maibe iha fatin seluk ita seidauk hatene. No bee matan rua nebe maka hetan ona teste hosi parte SMASA maka ida iha area Sukaer Oan Suco Uma ki’ik no ida seluk iha Area Karau Bein lokaliza entre Suco Baha Larauai’in no Suco Uma Ki’ik nia klaraan, no be matan ne’e parte Suco rua ne’e maka uza ba konsumu no nesesidade seluk tan. Agosto Pinto mos husu ba Governo no INstituisaun BTL EP atu tau orsamentu hodi ajuda komunidade sira atu konserva be matan sira nebe maka uluk kedas iha atu nune’e bele aguenta iha tempu bailoron no komunidade sir abele uja ho diak. Nune’e mos Governu tenki servisu hamutuk ho BTL EP hodi buka solusaun oinsa bele dada tan be mos hosi mai iha Kapital Municipiu nian atu nune’e bele responde ba nesesidade konsumidor sira iha Viqueque Vila ne’e rasik tamba rezultadu peskiza hatudu katak bee matan Loihunu la sufisiente atu atende konsumidaro sira no Viqueque rasik menus bee.

Entretantu tuir observasaun jornalista RPV nian iha terenu nota katak iha Viqueque Vila rasik sistema distribuisaun bee mos ba komsumidor sira halao ho rotativa tuir bairu bairu kada loron rua rua, no konsumidor Bee mos sira balun BTL EP monta tiha ona kontador hodi halo pagamentu kada fulan maibe balun mos seidauk monta kontador bee nian. Razaun tamba sa? Jornalista seidauk halo konfirmasaun ho parte BTL EP Municipio Viqueque nian.

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x