Wednesday, April 17, 2024
spot_img
HomeFoto GaleriaNoticias RPV; MSSI sei hadia uma Mahon Iha Viqueque

Noticias RPV; MSSI sei hadia uma Mahon Iha Viqueque

Ministerio Solidaridade Sosial no Inkluzaun ( MSSI ) sei hadia Uma Mahon iha Viqueque. Ministra Solidaridade Sosial no Inkluzaun Veronica das Dores hato’o lia ne’e ba Jornalista RPV foin lalis ne’e wainhira halo vizita kortezia id aba Uma Mahon iha Suco Uma Kiik Beobe Posto Admienistrativo Viqueque Vila.

“ Uma Mahon Viqueque ne’e presija hadia,ohin ami hare nia kondisaun presija hadia tan uitan no mos presija tan forsa trabalho ruma, nebe maka uma mahon ne’e nebe maka ohin ami hare no mos esplikasaun hosi responsabel Uma Mahon katak sira presija hadia tan sira nia fatin, liu liu fatin nebe Vitima sira hodi deskansa ba. Ida ne’e maka ita presija hadia tan, maibe laos tinan agora ita halo iha tinan 2024 la hotu ita sei kontinua ba iha 2025 ba 2026 to’o mandate Governu ida ne’e hotu ita sei hadia, laos 100% maibe pelu menus bele tama ninia kriteria nebe maka ita hakarak”.

Iha fatin hanesan kordenadora Uma Mahon KHC Cristina Rosawati Gusmᾶo hateten parte Uma Mahon apresia tebes ho vijita hosi Ministra nian ba iha sira nia fatin hodi hare rasik kondisaun Uma Mahon no kontente tamba Ministra rasik deklara katak sei hadia sira nia fatin Tamba Sosiadade Civil hanesaan liman ain Governu nian atu ajuda deit sira nia planu.

“ Hare ba iha Vijita Ministra nian mai ami nia fatin ami apresia tamba ho IX Governu hanesan ema foun maibe bele mai hare, halo ami laran ladun namlele ona ami fiar katak sira sei hare direta kondisaun sira hanesan ne’e sira bele kompriende ona, no saida maka atu halo iha future sira mos bele hatene ona saida mak atu halo no loron ruma karik ami halo proposal ruma ba iha MSSI sira mos bele apar ona katak buat nebe ami hakerek iha proposta laran ne’e laos ami hanoin deit maibe bazeia ba realidade duni, no sira mos  hatene ona katak ida ne’e presija duni. Tamba KHC hanesan liman ain Governu nian ba atende ita nia komunidade sira liu liu ba iha feto ho labarik sira nebe maka hasoru violensia. Ne’e ita hanesan liman ain Governu nian, presija tebes sira nia apoiu, se sira maka la fo apoiu ida ne’e entaun sira nia programa sira nebe maka sira tau prioridade ba feto, tau prioridade ba labarik sira ne’e iha nebe. Ne’e nia realidade laiha. Ami hanesan liman ain ida ba sira atu ajuda deit sira hodi fasilita ka atende ita nia feto maluk sira maka iha baze hau hanoin ida ne’e presija tebes sira nia apoiu no presija tebes sira nia tulun”.

Entretantu Kordenadora Uma Mahon Cristina Rosawati Gusmᾶo mos relata tan katak durante ne’e kondisaun Uma Mahon nian seguru hela tamba seidauk akontese buat ruma nebe maka halo sira paniku hanesan asaltu ruma laiha maibe nia fatin atu atende Vitima sira maka la sufisiente no uma ne’e rasik KHC aluga deit komunidade sira nian. Tamba ne’e maka sira presija iha fatin propriu atu hodi hamenus gastus. Cristina Rosawati mos dehan durante ne’e sira hasoru dejafiu bot liu maka sira laiha kareta atu halo atendementu ba Vitima sira no mos fatin nebe maka sira sei aluga hela komunidade nia uma.

Nune’e mos Director Fundasaun Knua Haberan Comunidade ( KHC ) Agosto Pinto haksolok ho deklarasaun Ministra nian tamba hosi Ministra rasik maka fo ona informasaun hanesan ne’e nia agradese e durante ne’e mos sira hein hela. Director ne’e mos hatutan dehan nia parte mos sei halo kordenasaun ho parte autoridade Municipiu nian para oinsa hetan rai ruma hodi halo konstrusaun ba Uma Mahon refere.

“ Ne’e agradese tamba iha ona Ministra rasik maka fo ona informasaun sira hanesan ne’e ami agradese e durante ne’e mos ami hein hela atu oinsa bele halo luan ita nia fatin ne’e atu bele halo atendementu ba ita nia inan feton sira nebe hasoru hela problemas. Maibe agora dadauk ami tenta halo hela kordenasau ho autoridade Municipal sira atu bele hetan rai atu nune’e bele mos ajuda ita hodi halo diskusaun ho Ministra atu oinsa bele hari fatin ne’e. Ministra nia informasaun ne’e diak tebes no pozitivu tabes mai parte ami nebe jere Instituisaun ne’e ami agradese tebes maibe ita hein katak ba oin ita sei halo diskusaun ho parte Municipio atu oinsa bele hetan rai ruma hodi konstroi fatin ne’e”.  

Entretantu Uma Mahon ne’e rasik hari hosi Fundasaun KHC no hetan apoiu hosi Governu liu hosi MSSI no funsionariu sira nebe servisu iha neba hamutuk ema nain sia ( 9 ).

 

Jornalista, Adriano A. Mesquita.

 

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x