Wednesday, July 24, 2024
spot_img
HomeFoto GaleriaNoticia RPV; Motrista sira preokupa ho animal sira husik livre.

Noticia RPV; Motrista sira preokupa ho animal sira husik livre.

Viqueque ho naran konesidu  wekeke nebe  iha   rikusoin ba  fatin  turismo  oin oin no furak ba ema hotu  nia matan hodi hare  no visita. Viqueque   mos sai hanesan cidade municipal ba nia Posto Administrative lima hanesan  Watu carbau, Watulari, Lakluta,Ossu no Viqueque villa rasik , no potesial ba area Agricultura Pikuaria Turismu no seluk tan, Maibe iha area pekuaria nian, animal sira nebe komunidade hakiak seidauk iha konsiensia hosi animal naiin sira atu tau animal iha nia fatin ka luhan. Ho kondisaun animal nebe nai’im la sulan fo perigu ba ema nia vida. Tuir motorist sira katak animal presiza atu sulan atu nune’e labele fo perigu ba motorist sira wainhira lori kareta ka motor. Liu liu ba komunidade sira nebe hela besik Estrada publiku sira.

“Tuir hau nia hanoin  lolos nee viqueque Munisipio  maibe ema nebe hela iha munisipio, liu liu komunidade nebe hela iha munisipo nemak ladun kompriende  saida mak animal nia fatin no saida mak ema nia fatin ,Estrada nee lolos animal sira nee labele husik arbiru deit iha dalan publiku hanesan ne’e ,karik husik  arbiru hanesan ne’e ita tun ba hanesan ami kondutor lori kareta  halai tun ba  ho velocidade nebe ke maka᾽as  karik  ida nee mak kuandu animal korta mak ami sei hetan asidente, orsida dehan ami kondutor mak  lori kareta lalos dehan  ami  mak  dalaruma kalan  la toba  matan dukur fali  maibe impaktu  husi animal sira husik  arbiru deit  tanba munisipio  viqueque laos hanesan munisipio ida tanba  husik animal sira  husik arbiru deit”

Liahirak  nee hatoo husi kondutor  diresaun ossu viqueque  Rozitu da Costa nebe buka pasajeiru/penunpang Viqueque ba Ossu  no  Ossu ba Viqueque. Nia hatutan tan dehan.

“ Hau nudar  kondutor  tuir hau nia hanoin animal sira nebe husik  neba  ne’e nia nain iha  sebele husu ba autoridade lokal  sira nebe hakarak hakiak animal buka  fatin ruma hakiak iha neba  tan ba viqueque ne’e area potensial  ba fatin turismo I depois   buat barak  mak iha neba  tanba viqueque nee munisipio laos  aldeia,suku laos area baibain ida  maibe ida ne munisipio  hatene deit Munisipio ne ninia lalaok ne dalaruma buat barak mak iha neba ,ami hakarak hatoo ba ministeriu seguransa I depois hatoo ba senhor administrador  viqueque   no mos fo hatene ba komunidade sira  karik sira nebe hakarak hakiak animal karik hare fatin  mak hakiak tanba dalan  iha neba  orsida ema liu estudante mos liu babain ami ho kareta tun ba dalan klot no ladiak orsida ita ses ba ema lalos ses tan ba animal  tanba ita soke animal mos iha dalaruma soke ema mos iha”.

Entretantu hosi Parte Administrasaun Posto Viqueque Vila hasai tiha ona karta sirkular ida atu komunidade sira nebe maka hela iha Vila laran no hakarak hakiak animal tenki iha luhan. Se animal la sulan maka sei la’o namkari iha vila Viqueque maka sei oho no animal nai’in sira hakarak atu foti fali tenki selu multa hanesan fahi ka bibi selu osan $ 30 to’o $ 50,00 no karau ka kuda sei selu multa ho osan $ 100,00 maka bele foti fali sira nia animal hodi bah an. No karik animal nai’in hakarak halo problema maka sei la’o tuir lei nebe iha ona. Maibe karik animal nia nai’in la foti maka sei foba iha Ospital sira ka fatin nebe presiza. Tamba Cidade Municipio tenki sai fatin nebe atria ema barak nia matan no bele sai mos fatin turismo nebe furak. Nene’e bele atria ema sira nebe mai hosi Postu aministrativo  sira  dada vizitante  sira nia matan  husi rai liur no rai laran hodi vizita mai Viqueque.

 

Nune’e mos Komunidade No vendedor  balun  mos  uza motor bisikleta, gerobak,  hodi fa᾽an sira nia produtu, tamba ne’e animal nebe husik livre no sirkula livre iha estrada klaran  sai difildade ba ema hotu inklui motorista  sira  tanba dalaruma sira lori kareta,motor no bisikleta  ho veleocidade nebe  makas derepente  animal  sira hakat liu Estrada  halo  sira  hakfodak, no bele mos fo risku ba labarik sira no mos ema nebe la’o ain. Tamba ne’e Governo local presiza tau atensaun seriu. Ita hein.

 

 

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x