Wednesday, April 17, 2024
spot_img
HomeFoto GaleriaNoticia RPV; Media social halo ema barak fila tiha sira nia isin...

Noticia RPV; Media social halo ema barak fila tiha sira nia isin hanesan Merkadu

Tamba deit buat Media Sosial ema barak ohin loron halo sira nia isin sai tiha hanesan Merkadu. Lai fuan ne’e hato’o hosi Bispu Arque Diosese Dili, Dom Virgilio Cardial do Carmo da Sia SDB wainhira selebra Misa hodi komemora Loron Sto. Antonio nian iha Paroqia Lacluta foin lalie ne’e. Dom Virgilio mos hatutan tan dehan, ita tenki hatene katak isin ne’e sagradu, isin ne’e Maromak nian tan ne’e ita nudar sarani tenki kuidadu ita nia isin.

“  Ohin Loron ne’e iha tentasaun barak liu, ohin loron iha tendensia bo’ot ida ba ema. Tamba influensia barak oin oin ne’e dala barak ema hanoin dehan, Moris ne’e hau nian, hau nia Isin ne’e, hau nian, nebe hau hakarak halo saida ba hau nia isin ne’e hau nia liberdade. Maibe ita haluha tiha katak ita nia isin ne’e Maromak mak tau iha ita, Maromak fo isin ne’e mai ita tan ne’e ita hotu lori ilas Maromak nian. Ita nia isin ne’e sagradu, ita nia isin ne’e lulik,  Liu liu Foin sa’e sira, atu ita ida idak hatene atu respeita no hadomi ita nia isin nudar horik fatin Maroak nian. Tamba ita nia doutrina hanorin dehan, ita nia isin horik fatin Maromak nian. Tambe ne’e maka ita sarani tenki  aprende atu respeita no hatene hadomi uluk ita nia isin. Ita sarani ne’e desde uluk kedas ita defende, tane as dignidade ema nian, mak respeita malu hadomi malu. Tamba buat Media social, ohin loron halo ema monu, halo nia isin ne’e sai tiha hanesan merkado. Ita halo ita nia isin hanesan merkadu. Ne’e ita rasik mak la dignifika ita nia isin nudar templu Maromak ninian. Entaun pergunta nebe ita atu husu ba ita nia an maka; Se hau mak la respeita no dignifika hau nia an, se maka atu respeita hau nia isin? Entaun uluk nana’in ita mak tenki aprende atu respeita no hadomi ita nia an. Santo Antoni hanorin ita atu sarani mak tenki ser sai masin”.

Entretantu Dom Virgilio mos kontinua fo hanoin ba familia sira atu aprende sai masin tamba familia maka hanesan nukleu ba Sosiadade, familia mak hanesan selula da sosiadade. Uluk ita koalia kona ba Familia ne’e buat ida lulik, familia ne’e sagradu. Maibe ohin loron mos familia barak mak naksobu  tamba lia fuan la tuir malu. Ne’e oan sira mak terus, oan sira maka sei ki’ik ne’e labele koko dehan domin aman nian ne’e oinsa, domin inan nian ne oinsa. Tamba ne’e iha familia atu aprende sai masin hodi hamrik metein defende fo sasin no haburas kona ba valor ema nian.

Entretantu Bispu Diosese Metropolitanu Dili, Dom Virgilio Cardeal do Carmo da Silva SDB, nia prezensa iha Paroquia Sto. Antonio Lacluta hodi preside Misa refere tamba hetan konvite hosi Padre Parku Lacluta hamutuk ho sarani lacluta nian tomak.

Remata.

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x