Wednesday, April 17, 2024
spot_img
HomeFoto GaleriaNoticia RPV; Jogu Abertura Telkomsel CUP iha Municipio Viqueque.

Noticia RPV; Jogu Abertura Telkomsel CUP iha Municipio Viqueque.

Sabadu loron 17-06-2023 fim da semana ne’e iha kampu demokrasia Viqueque halaό abertura ba jogu Telkomsel CUP sub 17 nebe hahu iha oras tuku tolu loraik OTL.

Prezidente Asosiasaun Futeboola Municipio Viqueque Cosme Sarmento iha nia intervensaun  dehan, Actividade Futebool nebe halao ne’e hetan suporta hosi TELCOMSEL iha Timor Leste ba Fiderasaun Futebool Timor Leste (FFTL), no jogu ne’e a nivel Nasional  halao iha Timor laran tomak. Cosme Sarmento mos husu ba jogadores sira atu manten disiplina ho nune’e bele lori naran Municipio Viqueque nian ba to’o Regional no mos Nasional

“ Actividade jogu ne’e hetan apoiu hosi Telkomsel ba FFTL no jogu ne’e halao anivel Nasional, ohin loron 17 fulan Junho tinan 2023 hala’o abertura ba jogu hanesan iha Timor laran tomak. FFTL labele marka presensa iha ita nia Municipio tamba sira konsentra hotu iha Municipio Ermera. Iha Viqueque jogu Telkomsel CUP ne’e ita hahu halo registu nakloke ba Postos lima nebe iha ita nia Municipio, maibe hare ba orsamentu nebe maka ki’ik entaun ita loke deit ba Posto Viqueque maka tuir. No ita konsege registu klubu hamutuk 21 maibe to’o ikus iha deit klube 18 maka sei partisipa iha jogu ne’e no klube 3 seluk dada an tiha fali. No klubu nebe maka sai vensedor iha jogu ne’e sei ba compete fali iha nivel Regional, no karik manan iha Regional sei kontinua ba iha nivel Nasional. Tamba ne’e hau husu ba klube sira nebe maka compete atu manten disiplina iha kampu laran hanesan mos iha liur no badinas treino atu bele lori Municipio Viqueque ba to’o iha Nivel Nasional”.

Iha fatin hanesan Director Telkomsel Municipio Viqueque hateten, Telkomsel iha principiu ida atu hamrik metin hodi desenvolve no promove joven sira nebe maka iha talent ba desportu liu liu ba tebe bola nian. Nia mos hatutan dehan eventu refere laos ba primeira ves maibe ba dala tolu ona. No hahu kedas iha tinan tolu liu ba maibe tamba Covid -19 entaun parado tiha.

“ Telkomsel iha komitmentu ida katak iha prinsipiu atu hamrik metin hodi promove Juventude sira nebe maka iha talentu ba desportu liu liu iha area tebe bola nian. No actividade ne’e laos foin hahu la’e, ita kria ona iha tinan tolu liu ba maibe tamba Covid no situasaun seluk tan iha ita nia rai laran maka parado tiha, no foin hahu fali iha tinan kotuk (2022) maibe ba deit estudantes sira. Agora tinan ida ne’e (2023) ita loke ba Publiku signifika klubu nebe deit bele hola parte. Ita bot sira tenki hatudu emi nia jogu tamba semak sai jogador diak guarda rede diak sei hetan hotu premiu. Tamba ne’e jogador sira tenki hatudu emi nia talentu jogu laos hatudu fali fiziku, tamba Telkomsel Suporta joven nebe maka ho talentu ba joga bola laos talentu fiziku. Se emi hatudu naka talentu fiziku entaun Telkomsel sei hapara tiha nia apoiu. No hau husu emi tenki esforsu an hodi hatudu jogu bonito atu nune’e bele compete tama to’o Regional no mos Nasional hodi hadau tiha Taxa Rotativu nebe maka oras ne’e iha hela Municipio Ermera”.

Entretantu jogu Telkomsel Cup nebe halo abertura iha sabado fim da semana ne’e partisipa hosi klubu 18 nebe mai deit hosi klubu sira iha Posto Viqueque no Posto sira hat seluk labele partisipa tamba orsamentu la sufisiente. Tuir dadus nebe jornalista hetan hosi komisaun organizadora ba eventu refere katak Orsamentu hodi hala’o kompetisaun ne’e hamutuk US$ 4.000,00 no klube nebe maka sai primeiro lugar sei hetan premio adisional $ 1.000,00 no segundu lugar sei hetan $ 600,00. No ba Jogador diak liu ( melhor jogador) sei hetan osan $ 40,00, Melhor markador sei hetan osan $ 40,00 no melhor guarda rede sei hetan mos osan ho total $ 40,00 no melhor ekipa sei hetan osan hamutuk $ 100,00.

Tuir observasaun Jornalista nian iha terenu (kampu laran) nota katak hafoin halao tiha abertura hosi Prezidente Federasaun Fute boola Municipiu Viqueque nian ba jogu Telkomsel Cup Sub 17 ba tinan 2023 iha kampu Demokrasia Viqueque kontinua kedas ho jogu amizade entre Clube Akademia Juvenil Ossu kontra Akademia Juvenil Viqueque hafoin hatutan kedas ho jogu entre Klube AS Alfa hasoru Klube Laloran no Clube Lalora manan Alfa ho skor 2 ≥ 0.

Partisipa iha seremonia abertura ba Jogu Telkomsel Cup Sub 17 tinan 2023 ne’e Presidente FFV, Administrador Posto Viqueque, Comandante Esquadra Posto Viqueque, Ekipa hosi klube 18, konvidadus sira seluk tan, Comunidade amantes futeboola sira no anima mos hosi Ekipa Dram Benn hosi Escola Liceu 4 de Setembro Viqueque.

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x