Ministeriu Administrasaun Estatal liu hosi Director Geral Desentralizasaun no Poder Local ( DGDGL), Antonio Augosto Guterres hamutuk ho Director DNAAS no Prezidente Autoridade Municipiu de Viqueque Segunda feira loron 8 fulan Abril 2024 ne’e hala’o sosializasaun mata dalan kona ba prosesu rekrutamentu no selesaun ba pesoal servisu Administrasaun Sucus Municipiu Viqueque nian no hola fatin iha Salaun Administrasaun Municipal de Viqueque. Iha intervensaun DG Antonio Augosto dehan, objetivu hosi sosializasan ne’e atu fahe informasaun kona ba prosesu rekrutamentu ba pesosal apoiu Sucus.
“ Ami mai iha Municipiu Viqueque ne’e ho objetivu ida maka atu sosializa no fahe informasaun ba ita bot sira hotu kona ba rekrutamentu no selesaun ba servisu Administrasaun Sucos iha Municipiu Viqueque. Tuir Dekretu Lei No. 81 nebe hateten katak livre nomear e livre izonerar pelu Cefe do Suco. Artigu sira nebe pronuncia tiha on aba Publiku ne’e soke uituan ho Lei No. 16. No atigu No. 23 pontu C dehan Cefe Suco livre nomear e supervizionar aos actividades do pesoal do Administrasaun Suco. No iha artigu seluk tan nebe la han malu ho Lei. Entaun ami mai hodi esplika asuntu hirak ne’e atu ita bot sira hotu hatene, tamba iha Nasaun nebe deit Dekretu Lei la bot liu lei, Dekretu Lei ne’e tenki submete ba Lei”.
Entretantu DG DGL MAE ne’e mos konfirma tan katak ba kandidatus sira nebe maka tuir teste no liu maka sira nia kontratu sei asina hahu hosi fulan Maiu tamba orsamentu nebe aloka ba tinan ne’e (2024) ba deit fulan ualu (8).
“ Ita bot sira orsida kestiona katak, se rekruta hotu ona karik ninia orsamentu ne’e la’o oinsa? Ka mai hosi Janeiru to’o Marsu Abril ka oinsa, laiha osan laiha ami la tau osan iha neba. Osan iha deit ba fulan ualu. Tamba ne’e maka prosesu ne’e la’o neineik para to’o iha fulan Maiu kandidatus sira nebe maka rekrutadu bele hahu ona servisu”.
Iha fatin hanesan Prezidente Autoridade Municipiu Viqueque Francisco Cruz Simoẽs Gonzaga Soares iha nia deskursu hateten,
“ Iha ne’e hau hakfodak uituan, maibe realidade ida ne’e maka akontese. Katak ita nai’in hira foin pose semana hirak nia laran maibe ita nia atetude nafatin deit seidauk iha mudansa ruma, nebe ohin ne’e hanesan buat ida karik siraman ida mai ita. Tamba ne’e iha semana ne’e nia laran ita sei enkontru entre Directores sira no APA sira molok ita atu hasai sirkular ruma. Ohin ita nia DG fo hanoin ba ita buat barak nebe ita tenki halo. Hau hanoin katak buat nebe maka hato’o on aba ita ne’e para atu fanun ita. Tamba ne’e molok ita atu hare no ha hadiak ba sasan sira ne’e iha buat balun nebe diak ita kontinua no buat balun nebe presija hadia ita tenki hadia, mais molok atu ba iha neba ita tenki rapatkan barisan. Rapatkan barisan ne’e laos rapat atu hanehan maibe rapatkan atu hodi habit lakon tiha nakukun hodi sai ba naroman. Tamba ita labele husik atetudi sira nebe fo deit benifisiu ba ema ida ka rua iha Suco laran maibe halo povu barak terus nafatin “.
Hafoin de remata tiha intervensaun PAM ne’e mos loke ofisialmente sosializasaun refere no kontinua kedas ho esplikasaun no aprezentasaun materia kona ba prosesu rekrutamentu no selesaun ba pesoal apiu Suco sira hosi Director DNAAS. Hafoin remata kontinua kedas ho ajustamentu kalendariu rekrutamentu no selesaun servisu Administrasaun ba Suco. Entretantu actividade sosializasaun ne’e hahu hosi tuku sia ( 9 ) dader no remata iha oras tuku rua ( 2 ) loraik no partisipa hosi DGDGL ho nia komitiva, Director DNAAS, PAM Viqueque, Directores servisu linhas Ministeriais sira, Cefes Departementus, APA lima, Sociadade Civil no konvidadus sira seluk tan.
Jornalista; Adriano A. Mesquita
