Pesoal Saude Suco Uabubu Posto Administrativo Ossu utiliza deit komunidade nia uma hodi halo atendementu ba pasiente sira nebe moras. Cefe Sentru Saude Posto Ossu Elsa Esperansa Guterres dekalra ba Jornalista RPV katak komesa kedas iha tinan 2013 to’o agora pesoal saude sira nebe destaka iha Suco Uabubu uja deit komunidade nia uma hodi atende moras sira. Lia ne’e Elsa Guterres kasu wainhira Vise Ministru Operasionais Hospitais halo vizita trabalho ba iha Sentru saude Ossu semana liu ba. Cefe Sentru Saude Ne’e moss hato’o kedas preokupasaun ne’e ba Vice Ministru operasionais hospitais (vmoh) atu hodi toma atensaun.
“ iha ossu iha postu da saude sanulo sentru saude ida sia seluk iha ona fasilidade edifisu rasik nebe Governo hari, maibe postu Saude ida iha suku Uabubu mak dadaun nee utiliza hela residensia komunidade nia hodi halao tratamentu desde 2013 ate adata ”
Hatan ba preokupasaun nee vice ministru operasionais hospitais flavio brandao mendes de araujo dehan,
“ Ida nee laos buat foun ida, director munisipio intende diak hela hanesaun mos sefe saude postu nian katak iha postu saude ida mak uza hela uma komunidade para funsiona, ida nee ba oin ita hanoin oinsa troka ona katak labele kontinua uza ho ida nee ,hanoin sira nee tau ona iha planu atu implmenta iha munisipio,ita nia responsabalidade para halo duni ,levatamentu halo hela atu konstrui maternidade ida iha 2024,maibe dadaun nee atendementu lao hela helpost postu saude sira iha ossu funsiona diak ita iha parteira, voluntariu numeru menus maibe sira funsiona diak ,importante mak ba oin sei hare rekurso nebe menus sai problema hela , hasoru sefe saude husi uatualari,uatu carbau ossu,nahareka hasoru hotu sira nia problema mak ida deit rekurso nebe iha la sufisiente ida nee responsabilidade munisipio no senvisu sentral saude nia para hare”
Entretantu Sentru Saude Ossu iha nia Postu Saude hamutuk sanulo(10) mak sentru saude nahareka, Waibobo, Builale, Ossu, Ua’agia, Ossorua ,Uabubu, Loi-Huno, liaruka no Builo ho total pessoal Saude inklui mos Sentru saude hamutuk ema besik ualu nulo (80).
Jornalista ; Eugenia Alves
