Friday, June 21, 2024
spot_img
HomeFoto GaleriaNoticias RPV; Implmentasaun prograama Pemopa La’o atraja liu.

Noticias RPV; Implmentasaun prograama Pemopa La’o atraja liu.

Programa Maun de Obra Posto Administrativo ( PEMOPA ) faje primeiru  iha Municipiu Viqueque la’o tarde liu. Administrador Municipio Viqueque Januario Soares – BOLI hato’o lia ne’e hodi hatan ba preguntas jornalista nian wainhira husu kona ba implmentasaun programa refere. Januario Soares dehan, programa ne’e nia implementasaun la’o ladun diak tamba to’o agora Postu 4 nian sedauk implementa, so Posto Lacluta deit maka iha  avansu uituan. No Ad. Mensiona katak programa refere lolos foba Posto sira atu implementa maibe Nia deside hodi foba Suco sira atu nune’e bele hadia sucos ida idak, maibe nia implementasaun maka barak halai liu fali ba hamos Estrada sira nebe maka Kompanya sira mos servisu hele, ne’e tuir Januario katak ladun efetivu, no la’o kleur liu.

“  Hau hanoin implemanta mais Posto Lacluta maka kala la’o uituan, mais Posto hat seluk ne’e nia implementasaun seidauk. Sira nia razaun dehan udan maka la fo fatin maibe agora udan para tiha ona, karik sira foin maka komesa hala’o. Entaun fo mos impact ba segundu faze nian, tamba so implementa tiha primeira faze nian hatama tiha lai relatoriu maka bele husu fali segundu faze. Se lae labele. Hau fo oportunidade ba suco sira maka atu bele implementa atu sira bele hadia Suco ida idak maibe sira halai liu fali ba hamos Estrada bot sira nebe maka Kompanya sira halo hela konstrusaun, ne’e hanesan gasta osan deit no la efetivu. Hau mos rona ema balun dehaan ba hamos fali Estrada nebe maka Kompanya sira servisu hela nusa la loke tihaKoperativa kredit ruma hodi fo ba komunidade sira impresta tiha ka halo tiha Kios ruma ka to’os komunal ruma diak liu. Tamba kona ba limpeja nian ne’e orsamentu ba Suco nian mos iha hodi bele halo”.

Entretantu Januario Soares Boli reaca liu tan dehan karik maka programa ne’e ba tinan oin sei iha no Governu dasia sei tau iha planu maka nia sei entrega ba Posto ida idak hodi hadia dalan sira iha posto laran, no Januario mos sujere atu osan PEMOPA nian ne’e bele konstroi mos sintina ka saneamentu ba uma kain sira nebe kbit laiha atu halo rasik.

“ Hau hanoin ba oin tan sei iha karik hau sei fo deit ba Posto sira tamba programa ne’e ba Posto, atu nune’e sira bele haadia Estrada ka dalan ki’ik sira iha Posto laran atu ema bele asesu tamba buat ki’ik oan sira hanesan ne’e ita husu hotu ba Nasional orsida hosi Nasional la tau prioridade maka ita fo sala ba malu dehan Administrador Municipio maka la tau atensaun, entaun ho osan sira ne’e ita bele halo buat ki’ik sira. Hau mos hanoin bele mos uja osan ne’e hodi hatan ba hadia ita nia komunidade balun nebe sira nia saneamentu ladiak ka laiha hodi responde ba programa ALFA ( La so’e foer arbiru ) atu nune’e komunidade sira labele so’e foer arbiru iha zona livre sira. Tamba se ita so’e fo’er arbiru deit bele fo mos impaktu ba ita nia saude”.

Januario Soares – BOLI sublinya liu dehan desenvolvemento ne’e la’os Administrador municipio nian deit, tenki hotu hotu nia partisipasaun liu liu Suco sira maka tenki kontribui atu nune’e bele la’o tuir nia tempu no mos bele fo susesu be ita nia servisu tamba desenvolvementu ba ita hotu.

 

Jornalista; Adriano Antonio Mesquita

Editor     : Florindo de Jesus

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x