Aktividade enseramentu estajiadu UNTL Fakuldade Agrikultura iha Departementu peskas e Ciencia Marina no lansamentu ba kolan ikan nian iha Suku Loi Huno. Acktividade ne’e halao iha quarta feira loron 2-08-2023 semana kotuk. sefe estajiadu Mario paulo mendes da silva hatoo katak;
“ Serimonia ida ne lolos ita halao depois de termina estajiu nian maibe iha loron ida termina nee iha fali aktividade seluk nebe ho loron termina hanesan entaun partisipasaun husi komunidade ladun maksimu tanba ne’e muda mai antes, atu nune’e komunidade sira bele iha tempu mai hamutuk ho ami iha ne’e halo festa despedida tanba ho objetivo durante nee ami estajiu iha fatin nee servisu hamutuk ho sira hetan ajuda husi komunidade tanba ami nia programa barak nebe hodi mai maioria hetan ajuda husi komunidade ami nia estajiu nia durasaun fulan rua. Antes termina ami halo serimonia simples ida ne’e hodi halibur fali ita antes ami fila fali ba ami nia eskola ,konaba programa nebe durante ami hala’o estajiu nian mai ho programa lima nebe ami prepara antes desloka mai iha suku Loi Huno, mai iha ne’e ho programa neen primeriu konstruan kolan Segundo rekonstrusaun kolan, terseiru reprodusaun ikan, ou fo kaben ikan kuarto produsaun pellet kintu sosializasaun konaba area peskas nian no sesto nian mak lanasamentu ba kolan ,maibe entre programa neen nebe iha ami mai apresenta de’it ba menbru suku no komunidade sira tanba sira mos hare ba ami nia tempu limitadu entaun sira kansela tiha konstrusaun halo kolan foun presiza han tempu naruk, entaun sira aseita mak programa lima deit. Kolan nebe ami halo iha ne’e halo rekonstrusaunn de’it ba kolan ho tipu nebe ami aprende iha academia nia tekniku konaba kolan nian liu liu ba iha nia medida , kabubu sira depois ba iha valeta sira iha laran hanaran chareng ho tekniku sira ne’e hotu atu nunee bele aplika ba iha komunidade sira. Depois kona ba pellet ne interesante tebes temba tuir observasaun kuaze iha timor laran tomak barak mak hakiak ikan akuakultor sira barak tebes maibe konaba hahan hatama husi rai liur mak barak ho folin nebe makaas tebes tanba nee ami ho programa ida ne’e, atu nune’e habelar ba komunidade sira oinsa atu produs rasik hahan ho matrial lokal ka ingri deams ka hahan kokal nebe ita iha atu fo ba ikan nebe ita hakiak maibe protein nebe mak hanesan import husi rai liur”
Mario Paulo Mendes hatutan tan katak lansamentu ne’e rasik sira mak deside kadas iha inicia, tamba tuir nia dehan, ita halo ona kolam ikus maim aka tenki husik ikan iha laran.
“ Lansamentu nian ne’e ami mak deside programa sitematika husi primeiru tanba wainira ita halo kolan ikus ita tenke husik ikan ba laran ,lolos ne’e ami atu lansamentu antes maibe preokupasaun husi perikanan Loi Huno nian entaun ami muda fali mai iha hamutuk ho enseramentu ne’e atu nunee autoridade no komunidade sira bele partisipa maksimu hotu .No iha rekonstrusaun kolan ne’e iha rua ida ami husik espesies Nila no ida fali mak husik ikan Mas. Ba ikan mas nia mak kolan ho nia medida 12 por 14 no kolam ba ikan Niala nian mak ho medida 11 por 13, konaba reprodusaun ne mak ita halo kontinuasaun ba jersaun atu halo barak ba ikan nia populasaun maibe nia prosesu ida atu fo reprodusaun ou fo kaben ne diferente ikan nila bele kaben natural iha kolan laran maibe ikan mas ita tenke fo kaben tuir prosesu ka criteria barak nebe mak ita presiza hatene primeiru ita halo selesaun ba ikan induk depois halo separasaun husik depois tau kakaban atu nunee nia tolun sira belit ,depois hein too loron tolu maibe temperature nebe la dun diak entaun hein too loron hat,temperature rai manas too 28 /33 grau celcius entaun nia bele nakfera lalais.”
Iha fatin hanesan, Dosente Manuel Francisco hato’o deskulpa ba komunidade Soco Loi Hunu no mos autoridade local sira, karik estajiadus sira durante fulan rua nia laran halo buat ruma nebe maka la monu ba sira nia laran. Dosente ne’e mos husu ba inan aman sira atu implementa buat nebe maka estudantes estajiadus sira husik hela ba sira no se bele hatutan ba maluk seluk nebe maka seidauk hatene. Manuel Francisco mos dehan ita nia oan sira mai aprende maibe sira mos rai hela buat balun nebe sira hetan iha escolar laran ba ita tamba ne’e ita tenki uja sira nia matenek ne’e hodi hadia ita nia ekonomia moris. Nia mos apela ba estajiadus sira atu kontinua habelar matenek no pratika nebe sira iha liu liu iha area peska nian tamba iha Timor Leste area refere peska terestre no marina bot tebes liu peska Marina nian, maibe konyesemantu hosi ita nia Povo sei minimu tebes.
Nune’e mos cefe Sucu Loi Hunu Miguel da costa Mello, hato’o obrigado barak ba estajiadus sira tamba bele fahe ona matenek balun ba nia komunidade sira liu liu kona ba oinsa halo kolam ho estandarte hodi hakiak ikan no produz hahan rasik hodi fo han ikan. Ikus liu Cefe Socu ne’e mos hato’o boa viajen ba estudantes estajiadus sira no husu mos perdaun karik durante fulan rua nia laran iha Loi Hunu komunidade no autoridade local sira nia atetude balun ladun satistas sira.
Entretantu estajiadus UNTL Fakuldade Agricultura Departementu Peskas e Ciencia Marina sira nebe maka mai hala’o pratika durante fulan rua iha Suco Loi Hunu ne’e hamutuk ema nai’in sanulu resin hitu ( 17 ) kompostu hosi feto lima ( 5 ) no mane sanulu resin rua ( 12 ), no actividade nebe maka sira implementa durante estajiu maka, konstruan no rekonstrusaun kolan Ikan, Reprodusaun ou fo kaben ikan, Produsaun pellet, Sosializasaun konaba area peskas nian no ikus liu maka lanasamentu ka inaugurasaun ba kolan ikan. Maibe actividade ba konstrusaun kolam ikan la konsege realija tamba tempu la to’o. Partisipa iha seremonia Lansamentu ba kolam ikan no enseramentu ne’e partisipa hosi Komunidade no autoridade Lokal Suco Loi Hunu, estajiariu sira, PNTL Postu Ossu, FFDT destakadu iha Loi Hunu, no mos konvidadus sira seluk tan.
Jornalista, Eugenia Alves
🙏💪🥳
Bravo🙏💪hatutan nafatin notisia munisipio