Tersa feira semana nee Director servisu Mnicipal Agrikultura i peskas Fernando Joaquim halao lansamentu ba kuda hare sistema pratika agrikultura diak iha postu ossu suku liaruka aldeia salele nebe halao hosi Grupu Koperativa KHUNA RAME.
Evangelino de Jesus Pinto hanesan cefe grupo Koperatina Khuna Rame hatoo katak grupo ne’e hari iha tinan 2020 ho membrus ema nai’in 50 kompostu hosi Feto no Mane. Maibe tamba Pandemia Covid-19 nebe invade Mundu inklui TL maka sira labele halao ctividade, no sira foin aplika ka reativa fali iha tinan 2023 ne’e. Evangelino mos afirma katak, Grupu Koperativa Khuna Rame ne’e nia membro sira mesak ema Joven deit mak inisia hodi hari no hetan suporta maximo hosi Inan Aman sira no mos Autoridade Local hanesan Cefe Aldeia no Cefe Suco Liaruka rasik, no suporta mos husi MAP Viqueque. Cefe Grupu Ne’e reaca tan katak ba tinan 2023 ne’e sira koko halo natar ho Sistema Pratika Agricultura diak ( PAD ) hodi kud hare natar. Nia mos hatutan katak durante sira hala’o actividades ka servisu iha Terenu buat hotu la’o ho diak, maibe sira hasoru problema balun hanesan atu halai natar tenki uja deit karau, tamba ne’e sira halo proposta ba Ministerio Agricultura no Pescas ( MAP ) hodi husu ajuda Traktor hodi bele fila rai. Evangelino dehan tan, maske hasoru obstakulu hanesan nia mensiona iha leten maibe la hamate sira nia vontade servisu atu kontinua ho planu nebe sira iha ona.
Iha fatin hanesan Cefe suku Liaruka Filomeno soares dehan Grupu refere hari duni hosi Joven lubuk ida iha nia Suco laran, no hafoin hari tiha sira halao duni servisu iha area Agricultura nian maibe sira hasoru dezafius balun maka sira mai hasoru hau hodi husu hanoin ruma atu bele halo proposta ruma. No hau fo dalan ba sira atu halo proposta ba MAP tamba emi nia servisu kona ba Area Agricultura nian. No sira halo duni proposta ba MAP hodi husuatu ajuda Traktor maibe MAP la fo Traktor no fo deit ajuda orsamentu ba grupu. Depois de simu tiha osan nebe ajuda hosi MAP grupu tau hamutuk hanoin ka halo diskusaun hodi deside sosa tiha fali hand Traktor uzadu ida hodi halao servisu. Cefe Suco ne’e mos husu ba Grupu KHUNA RAME atu badinas servisu hodi hatudu ba inan aman sira no ema hotu katak emi iha duni insiativa nebe diak atu hodi desenvolve Agricultura iha ita nia suco, no hatudu ba MAP nebe hanesan emi nia Donator no parseiru. Maibe Cefe do Suco Filomeno Soares mos lamenta tamba durante ne’e Estensionista nebe maka kolokado ba iha Suco Liaruka la iha fatin, no karik Agricultor sira presija nia ajuda tenki liu deit hosi Telefone. Tuir Cefe Suco ne’e katak tuir lolos PPL ka Stensionista ne’e tenki iha Suci laran hodi hare ba komunidade sira nia natar no to’os karik to’os nai’in sira presija nia ajuda tenki iha fatin.
Entretantu Director MAP Munisipio viqueque Fernando Joaquim nebe partisipa hodi halo lansamentu ba actividade refere reforsa katak ba dahuluk iha Suco Liaruka halao actividade ne’e no pesoalmente nia kontente tamba jovensira iha inisiativa diak iha area Agricultura nian. Dir. MAP ne’e hatutan dehan tempu agora ne’e joven barak mak la hanoin ona atu servisu iha To’os ho Natar maibe iha Liaruka lae. Ne’e exemplu diak ida. Fernando Joaquim mos husu ba grupu nebe hari hosi Joven sira ne’e atu esforsu nafatin hodi hatudu nia rezultadu tamba inan aman sira no mos ema hotu hakarak hare maka nia rezultado. Kuando emi hatudu ona nia rezultado diak maka sei dada mos joven sira seluk atu hola parte iha Desenvolvemento Area Agricultura nian. Dir. Ne’emos infor tan dehan,tuir nia hare iha Suco Liaruka laos potensia deit ba halo to’os ho natar maibe iha mos potensia bo’ot atu hodi hakiak ikan no animal sira. No Ministerio Agricultura no Peskas pronto nafatin atu suporta kuandu Joven sira iha hanoin diak hodi halo actividade ka desenvolvementu iha Area Agricultura, tamba tuir Fernando Joaquim kata Area Agricultura maka sai hanesan fuan ka factor determinante ba desenvolvemento Nasaun TL nian maske joven barak maka ikus-ikus ne’e la tau importansia ka lakohi servisu ona ba iha to’os ho natar. Nune’e mos Dir. MAP munispio nee intrudus lalaok no tekniku konaba viverus no hare oan ho nia durasaun tempu. Tuir Fernando Joaquim katak, hare oan nebe sira tau iha viverus iha suku liaruka ho kilograma 14 no hare nebe sira kuda ho naran nakroma ,no dadaun sira kuda iha natar laran ho naran imparido empat ou hare mean. No fini refere hetan apoiu husi parseru NGO TOMAK.
Tuir observasaun Jornalis RPV nian iha terenu nota katak, parsita ba iha aktividade lansamentu kuda hare nee Autoridade Suco Liaruka nian, Director Servisu Municipal Agricultura, no Gupu KHUNA RAME no mos konvidadus sira seluk. No actividade refere halao iha Tersa Feira emana ne’e ( 23-05-2023 ) ne’e iha Suco Liaruka Posto Ossu.
