Wednesday, April 17, 2024
spot_img
HomeFoto GaleriaNoticias RPV; Stae Municipio anuncia Rezultadu Apuramento

Noticias RPV; Stae Municipio anuncia Rezultadu Apuramento

Director Stae Municipio de Viqueque Humberto Fernandes anuncia rezultadu Apuramentu Municipal provizoriu kona ba Eleisaun Parlamentar 21-05 -2023 ne’e no hola fatin iha Salaun Administrasaun Municipio Viqueque iha loron Segunda feira, 22 de Maio 2023 ne’e. No iha Acta apuramentu ne’e Partido Fretelin maka manan iha Municipio Viqueque o total votus 21.267 votus no tuir kedas ho Partidu CNRT ho total 10609 votus, Partidu Kmanek Haburas Unidade Nasional Timor Oan ( KHUNTO ) ho total votus,3.075 , Partidu Libertasaun Popular ( PLP ) ho total votus 2.879, Partidu Os Vredes de Timor ( PVT ) ho total votus 2.043, Partidu Unidade e Desenvolvemento Demikratico( PUDD ) ho total votus 2.009, Partu Demokratiku ( PD ) ho total Votus 1.957, no partidus sira seluk la to’o atus lima ( 500 ).

Entretantu tuir observasaun jornalista RPV iha iha Fatin refere nota katak, molok atu halao ka fosai rezultadu provizoriu ne’e, hosi Partidu Fretelin lakohi asina Acta puramentu no husu ba Stae no CNE atu halo fila fali verifikasaun tamba tuir fiskais hosi Partidu Fretelin katak dadus nebe fo sai hosi Stae la hanesan ho dadus nebe sira iha, no Fiskais sira reklama katak Votus ba Partidu fretelin lakon to’o atus lima liu. Tamba ne’e sira husu atu verifika fali. No Stae no CNE simu no halo fali verifikasaun ba votus Partidu Fretelin nian hosi Centro Votasaun 112 nebe estabelese iha Sucos 36,Postos lima iha Municipio Viqueque, no nia rezultado nafatin ho ida anterior no ikus mai Fiskais Partidu Fretelin nian simu no kontinua kedas ho asina Acta ne’e. Jornalista mos observa katak kaixa de votus hosi Centru votasaun sira hahu tama iha fatin apuramentu Municipio ( salaun AD Municipio Viqueque ) iha tuku nen ( 6 ) Domingu 21-05 -2023 loraik no hahu kedas ho Apuramentu iha oras tuku walu ( 8 ) kalan no remata iha Segunda feira, Oras 12.30 meio dia. Tamba sei hetan reklamasaun hosi Partu Fretelin maka Apuramentu no anuncia rezultadu Final provizoriu halao fali iha oras tuku hitu kalan no iha Tersa feira loron 23-05-2023 maka foin transporta fali dokumentus sira Eleisaun nian mai iha STAE no CNE Nasional.

Partisipa iha seremonia asina actano anuncia rezultado Apuramentu ne’e. Dir. Stae Humberto Fernandes ho nia funsionarius, Dir. CNE Municipio Honorio Crz da Silva ho nia Funcionarius, Sekretario Municipio, Teotonio Guterres, Komandante PNTL Municipio, Sebastiao Quintao, Komandante Ekipa FFDTL nebe destaka iha Municipio Vqueque hodi ajuda PNTL ba seguransa, Fiskais Partidus Politikus, Observadores hosi Internasional, PDHJ no seluk tan, Media no mos brigadas sira.

Nota mos katak hahu kedas hosi transportasaun Material Eleisaun nian hosi Dili ba Municipio no lori liu ba iha Centro Votasaun sira to’o loron Eleisaun no lori fila hikas mai Municipio hodi halo Apuramentu to’o lori liu mai Nasional hetan seguransa maximu hosi PNTL no FFDTL sira nebe destakadu iha Municipio Viqueque.

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x