Wednesday, July 24, 2024
spot_img
HomeFoto GaleriaNoticias RPV; Enseramentu Publikasaun dadus ba projetu LNJ iha Beaco

Noticias RPV; Enseramentu Publikasaun dadus ba projetu LNJ iha Beaco

Loron 2 fulan Maio 2023 hanesan loron ikus ba publikasaun de dadus Rai no propriadades nebe dezignado ba projetu LNG iha Beaco, Suco Maluru Posto Administrativo Viqueque Vila Municipio de Viqueque nebe hahu publika iha loron 2  fulan Fevreiro 2023 liu ba tamba tuir Lei dehan piblikasaun dadus ne’e durante loron 90 ( sianulu ). Iha enseramentu ne’e Director Geral Terras e Propriadades nebe reprezenta Ministro Justisa deklara katak durante publikasaun dadus nebe lao ona durante fulan 3 nia laran iha reklamasaun hamutuk 34 maka konsege resolve ona,maibe sei iha reklamasaun liu hatnulu ( 40 ) maka seidauk resolve, Entretantu hosi parte Estadu nian mos, ka estadu mos halo reklamasaun hamutuk 130.

“ Tuir lei hateten dehan publikasaun ne’e durante fulan tolu ka loron 90 tamba ne’e ohin ita taka. Durante publikasaun nebe hahu hosi dia 2 fulan Fevreiro to’o agora iha reklamasaun hamutuk 34 maka ita hamutuk ho Timor Gap konsege resolve ona, no hosi fali dia 9 de Marsu mai to’o agora iha tan dadus reklamantes hamutuk 40 liu no parte Terras no Propriadade simu tan, no iha tempu badak sei resolve. No hosi parte estadu mos halo nia reklamasaun hamutuk 130. No parte nebe maka estadu halo reklamasaun maka hanesan parte sira nebe iha tasi ibun, mota ninin no mos iha foho lolon sira tamba tuir lei fatin sira hanesan ne’e parte ba Estadu nian. No sira ne’e hotu iha tempu tuir mai ami sei fila fali mai atu halo diskusaun ho ita bo’t sira hodi hetan solusaun nebe diak no fo satisfasaun ba parte hotu hotu”.

Nune’e mos Director Geral Terras e Propriadades ne’e hato’o agradesementu ba komunidade Beaco tamba durante loron 90 publikasaun dadus ne’e sempre iha koperasaun diak ho partes hotu hotu nebe involve iha prosesu ne’e.

Entretantu iha fatin hanesan, representante Timor Gap hodi Presidente nia naran hato’o agradesementu ba Linhas Ministeriais sira hotu, parte seguransa nian hanesan PNTL Task Forse no komunidade sira hotu liu liu komunidade Beaco. Representante TG ne’e mos afirma dehan prosesu ida ne’e importante tebes, tamba hanesan esforsu Nasional ida hosi Estadu TL nian atu hari projetu ne’e iha Beaco, tamba ne’e maka prosesu hotu sei kontribui mos ho planu ida ne’e.

“ Ida ne’e hanesan faze ida ke importante tebes tamba hanesan esforsu Nasional ida nebe maka Estadu TL halo atu hodi hatudu ba Estadu maluk sira seluk no mos parseiru Internasional sira hanesan OSAKA ho FUUDSAID katak ita mos esforsu nafatin. Maske ohin ita taka ona prosesu ne’e maibe ita sei kontinua nafatin servisu ba oin. No hosi parte ita nia parseiro sira mos hakarak atu halo mos estudu de komparativo ida mai iha ne’e atu hodi hatene se karik planta ne’e hari iha Beaco, nia benifisiu no desafiu ba komunidade iha ne’e saida. No ikus liu hau hakarak atu dehan katak Timor Gap sei pronto nafatin atu fasilita no kolabora ho Ministerio relevante atu bele konklui tiha prosesu ne’e atu nune’e ita bele lori Planta LNG mai TL”.

Nune’e mos representante Timor Gap ne’e klarifika liu tan katak dadauk ne’e Presidente Timor Gap iha hela Estados Unidos Amerika tamba hetan konvite espesial hosi parseiro Kompanya Osaka atu deskute kona ba asuntu ne’e.

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x