Komunidade suco Maluru nebe afetadu ba Projetu LNG sente triste tebes tamba iha Partidus Politiku balun nebe ba halo Konsolidasaun /kampanya iha sira nia Suco esplika katak Projetu LNG ne’e sei la mai Beaco Municipio Viqueque. Lia ne’e hato’o hosi Cefe Suco Maluro Posto Viqueque vila durante actividade Enseramentu ba Publikasaun Dadus Rai no propriadades iha Beaco Viqueque iha loron 2 fulan Maio tinan 2023 ne’e.
“ So iha ne’e mos hau hakarak hato’o hela informasaun ida ba Sua Elensia Ministro katak hau nia komunidade sira iha ne’e sente triste tebes ho esplikasaun hosi Partidos Politikus sira nebe mai hateten dehan katak sei la akontese mina atu dada mai iha ne’e ( Beaco ), hau hanoin ida ne’e hau nia komunidade sente triste tamba lia fuan sira hanesan ne’e, tamba ne’e maka hau hakarak atu abdeit deit informasaun ne’e ba ita bo’ot. Tamba hau nia komunidade sira iha ne’e triste tamba iha ne’e kuandu iha ka akontese dezastre Naturais ruma ami labele hetan ona ajuda ruma hosi Governu tamba atu sai hosi fatin ida ne’e. No mos Uma Naroman ba Povo no Subsidiu deit mos susar ami atu hetan, tamba ne’e hau hanoin hanesan tan Partido Governo nian ( Partido nebe kaer Governo ) labele koalia hanesan ne’e, Ne’e ami nia komunidade sira sente triste, fuan moras. Tamba ba ne’e maske Eleisaun oin mai hau la hatene Partidu ida nebe maka atu kaer fali Governo mosh au ho komunidade iha ne’e husu ba Maun Sabika, Maun Falur no maun Luolo hanesan Veteranos Viqueque oan atu esforsu nafatin Projetu ne’e tenki mai Beaco, tenki mai tamba ami hein hela ida ne’e durante tempu barak ona”.
Entretantu Cefe do Suco Maluro Francisco Amaral mos husu ba Lideransa no Veteranos Viqueque oan sira tomak atu esforsu nafati hodi kadoras tenki dada duni mai iha Beaco Viqueque, Nune’e mos Cefe suco ne’e la mensiona Partido ida nebe maka durante konsolidasaun koalia hanesan ne’e maibe nia reaca katak ema nebe koalia ne’e mai hosi Partido nebe maka hola parte mos iha Governo ida ne’e.
Remata.
