Durante ne’e profesoes ho alunos sira uza hamutuk deit toilet profesores sira nian tamba enfrenta hela ho problema be’e mos. Lia ne’e hato’o hosi Director adjunto da escolar Liceu 4 de Setembro Viqueque Helio Faria Guterres ba jornalista Radio Povo Viqueque nian iha nia servisu fatin. Helio hatutan dehan, be’e nebe maka sira uza mai hosi PAM ka be’e nebe maka Governo dada maibe dala ruma semana ida maka be’e ne’e mai dala ida. Tamba ne’e maka toilete nebe maka prepara ba alunos sira be’e laiha no alunos sira tenki hali hamutuk ba uza deit toilete nebe maka prepara ba profesores sira.
“ Kona ba saneamentu be’e nebe maka oferese mai iha escolar ne’e mai hosi estadu maka oferese, maibe be’e ne’e lahatene tamba saida karik be’e ne’e semana ida mai dala ida deit no dala ruma mos la mai. Tamba ne’e maka kuandu be’e mai entaun estudantes sir abele uza sira nia toilete nebe maka prepara ba sira, maibe karik be’e la mai entaun kuandu nesesidade obriga ona sira tenki halai hotu mai iha toilete nebe maka prepara ba profesores sira”.
Tamba ne’e maka Adjunto Director ne’e husu ba parte relevantes liu liu servisu Edukasaun Municipio nian atu tau atensaun ba problema ne’e atu nune’e hodi bele fo atendementu nebe diak ba profesores no mos estudante sira.
“ Ha hakarak atu rekomenda ba Governo atu tenki hadia sistema be’e ne’e atu nune’e bele favorese ba toilete hotu hotu nebe maka prepara iha escolar ida ne’e atu nune’e estudantes sir abele uza ho diak no labele hadau fali malu ho profesores sir aba toilete.
Nune’e mos estudante Febriana Tety Brya Ferdinan hosi klase Desimu Segundu ano Ciencia Teknologia geral dehan kona ba saneamentu be’e la’o ladun diak tamba be’e dalaruma be’e mai no dala ruma to’o semana liu mos be’e la mai.
“ Tuir hau nia hare kona ba saneamentu no be’e mos ladun sustentavel tamba dala ruma be’e mai no dala ruma be’e la mai bele to’o tiha fali semana id aka ruam maka be’e foin mai fali, tamba ne’e fo impact baa mi estudantes sira no ami nia toilet rasik mos la seguru baa mi tamba kria los iha escolar nia kotuk no kuando be’e la mai fo impact ladiak ba estudantes sira. No ami kuandu nesesidade obriga ona entaun tenki halai ba toilete rofesores sira nian, maibe mos profesores sira siak fali ami tmba kuandu toilete profesores sira nian fo’er entaun estudantes sira la ba hamos. Tamba ne’e hau husu ba estadu ka Ministeriu Edukasaun atu monta Sistema be’e mos halo didiak iha escolar laos deit escolar ami nian ( Liceu 4 de Setembro ) maibe escolar hotu hotu atu nune’e bele fo atendementu nebe diak ba estudantes sira”.
Entretantu total estudantes iha escolar Liceu 4 de Setembro Viqueque hamutuk 975 (atus sia hituulu resin lima ) no profesores/as hamutuk 43 ( hatnulu resin tolu}. Nune’e mos tuir informasaun nebe maka RPV rekolya durante ne’e nota katak escoas hotu nebe maka iha Municipio Viqueque nia laran hasoru hotu problema kona ba be’e mos no saneamentu.
Remata.
