Komisariu CNE destakado iha Municipio Viqueque Olavio da Costa Monteiro hateten nia laiha konyesementu kona ba deklarasaun Director Geral Estae nian kona ba fo deit prioridade ba jornalista Media Estatal nia atu bele vota iha fatin nebe sira halo kobertura no la fo mos ba media privado sira. Comisariu Olavio da Costa katak lia ne’e hodi hatan ba preguntas hosi jornalista RPV nian wainhira halo intrevista iha edifisiu CNE Municipiu Viqueque nian loron 18 senaba ne’e.
“ hau hanesan komisariu CNE laiha konyesementu kona ba ida ne’e ( sira nia deklarasaun ne’e )maibe karik tamba lei nebe maka halo alterasaun ne’e la hetan promulgasaun hosi Presidente da Republika. Tamba ne’e ita sei la’o nafatin ho lei anterior nebe klaru katak ita eleitores sira balun sei bele vota iha fatin nebe deit wainhira hetan autorizasaun hosi Estae no balun tenki vota tuir sira nia kartaun wainhira laiha autorizasaun hosi Estae”.
Olavio da Costa Monteiro mos hatutan dehan maibe parese sira bazeia ba lei Eleitoral anerior tamba Lei foun nebe maka altera hetan aprovasaun ka promulga hosi Sua exslensia Presidente da Republika tamba ne’e maka kontinua implementa Lei ida uluk nian.
