Ba Jornalista Radio Povo Viqueque Antonio da Silva Soares hanesan Koordenador Mercado Viquequenhaktuir, durante ne`e nia mos observa ona uma lixu nebe halo husi kompanyia DONKAM, JICA ( Japaun Internasional Cooperation Agencia ) iha komunidade barak mak sidauk iha konsensia hodi utilize uma lixu refere ho diak.
“ Hanesan koordenador Mercado nia knar mak atu tau matan ba komunidade no negosiante sira hotu nebe mak halao sira nia negosiu iha area Mercado nian.tuir hau nia hare kompanyia DONKAM husi JEPAN kria ona uma lixu hamutuk 15 iha area suco Carau Balo maibe hau nia parte mak hare deit iha area Mercado no hanorin hau nia belun negosiante sira hotu atu tau lixu iha nia fatin no wainhira tau lixu karik tenki haketak lolos tuir mata dalan nebe negosiante sira rona no hare iha uma lixu nia laran tenki tau ketak ketak hanesan ;aqua mamuk,lata toos,botir,lata almino no lixu nebe sunu “.
Koordenador mercado nemos husu ba komunidade sira hotu atu utilize uma lixu nebe mak kompanyia JICA kria ona iha suco Carau Balo no labele soe fali foer iha mota laran tanba bele fo impaktu ba animal sira iha mota no tasi.
“ Ba komunidade sira nebe simu ona plastic husi ekipa DONKAM atu uja plastic ne`e hodi ba tau foer ba laos atu uja fali ba tau modo ka sasan seluk,no liu husi ita nia komprendesaun atu tau lixu iha nia fatin nebe bele hadia mos ita nia suku,postu no munisipiu e sai mos exemplar,saudavel no ita tenki Kuidadu mos ita nia meu ambiente no hadook ita husi moras oi oin tanba saude iha ita nia liman rasik “.
Antonio da Silva Soares mos haktuir katak durante nia parte tau no fo ona plastic ba komunidade sira atu uja hodi tau lixu nebe sira iha no programa ne`e primeira vez implementa iha Munisipio Viqueque Posto Admistrativo Viqueque Villa Suco Carau Balo ne`e duni husu ba ita hotu atu hatudu ba ema hotu katak ita mos bele banati tuir nasaun JEPAN kona ba haketak lixu no tau iha uma lixu maske neneik maibe bebeik ita sei bele.
Koordenador Mercado mos nafatin husu ba komunidade sira hotu nebe mak simu ona plastic husi ekipa DONKAM atu uja plastic ne`e ba tau lixu no wainhira nakonu husu atu lori ba tau iha uma lixu nebe mak besik imi nia hela fatin,no tenki tau karik haketak ho lolos hanesan modo at no aitahan bele ke`e rai hodi tau ba atu uja sai fali hanesan pupuk ou adubus.
Atu informa mos ba ita hotu katak, Kompanya Domkam hosi Japaun durante hari ona Uma Lixu iha Suco Carau-Balo hamutuk sanulu resin rua (12 ) tamba Suco refere hanesan Suco nebe maka nia area kobertura iha Cidade Municipiu Viqueque nian.
Ekipa Kobertura Radio Povo Viqueuqe ( RPV )
