Thursday, April 11, 2024
spot_img
HomeFoto GaleriaPreparasaun ikus ba tomada pose PAM Viqueque

Preparasaun ikus ba tomada pose PAM Viqueque

Preparasaun ikus ba tomada de pose Prejidente Autoridade Municipal ( PAM ) de Viqueque besik finalija ona. Lia ne’e hato’o hosi Sekretariu Municipal Teotonio Sarmento ba jornalista RPV segunda feira ohin iha nia servisu Fatin Administrasaun Municipiu  Viqueque Beloi.

” Bazeia ba aesizaun nebe hosi Nasional fo mai ami prepara tuir deit, nebe ami prepara tuir deit. Preparasaun ne’e atu besik finaliza ona. Nebe kuaze funsionarius sira prepara kedas hosi Sesta Sabadu liu ba no Domingu mos depois de Misa tiha sira kontinua halo preparasaun “.

Teotonio mos sublinya katak em principiu preparasaun ne’e ba deit Autoridade PAM maibe tamba lista Directores sira nian mos iha hotu entaun sira mos hola parte hotu iha tomada pose ne’e.

” Nebe em principu lolos PAM deit, maibe komu naran Directores sira iha entaun sira mos mai partisipa, no orsida loraik sei iha gladi bresih no aban hala’o tomada de pose, hahu tuku sia liu minutu tolu nulu ( 09.30 ) to’o remata no sei partisipa hosi autoridades sira iha Municipiu Viqueque nian, Administradores Postus sira, Cefe Suco sira no mos Partidus Politikus sira hotu”. 

Sekretariu Municipal mos afirma katak alen de tomada de pose PAM sesante mos sei hato’o nia relatoriu badak.

” Alen de de tomada Pose ba PAM fou, PAM sesante mos sei hato’oninia relatoriu badak kona ba servisu nebe maka halo ona hahu hosi tinan 2021 mai to’o tinan 2024 ne’e, atu nune’e sira bele hatene atu iha 2024 ne’e sira bele kontinua. Ami sei hato’o buat nebe maka ami halo tiha ona hanesan projetu sira nebe maka ” on going” hela bele kontinua. Elaos ne’e deit ami sei husu ba PAM atu bele marka enkontru ho Diresaun hotu atu bele hato’o saida maka ami halo e ida nebe maka ladiak orsida kabe ba nia ( PAM) maka deside“.

Entretantu Teotonio Sarmento nebe asumi nia knar hanesan Sekretariu Municipal de Viqueque hahu hosi tinan 2023 ne’e mos konfirma katak Prosesu mudansa iha INstituisaun Estadu nian ne’e buat normal ida,

” Ami sira be hala’o knar anesan Na’i Ulun sira ne’e kuandu sira hasai ami ne’e buat normal ida ami kontente nafatin, tamba ne’e buat normal Partidu ida manan nia iha nia politika rasik ne’e prosesu nebe akontese iha Instituisaun Estadu nian. Apenas ami husu deit ba PAM foun ne’e atu hamutuk ho joven sira no ema hotu hotu hodi hadi’a Viqueque ne’e, tamba Viqueque la’os ami nian deit ka ema ida nian deit. Tamba ne’e presija ema hotu nia kontribuisaun”. 

Entretantu PAM foun ho naran Kompletu Francisco C.Simoes de Gonjaga Soares sei simu pose hosi Vise Ministru Administrasaun Estatal iha Tersa feira aban loron 26 fulan Marsu 2024 ne’e no sei hola fatin iha Salaun Administrasaun Municipal de Viqueque Beli hahu oras tuku sia ho balun ( 09.30 ) OTL to’o remata no sei kontinua ho seremonia almosu de konfraternizasaun hamutuk.

Jornalista; Adriano A. Mesquita

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x