Organizasaun União Nasional Escuteiros de Timor Leste (UNE-TL ) konselho munisipio vikeke Fransisco pinto amaral haktuir kona ba actividade emgeral husi Organizasaun União Nasional Escuteiros de Timor Leste mai ho kedas ho nia programa hodi fo formasaun ba estudante hanesan eskola non formal ida, ba labarik sira ne`ebe husi idade tinan 6-13,ba adolsentes husi tinan 14-16 nomos ba adultu sira ho idade husi tinan 17 ba leten liu liu ba estudante husi primaria,presecundria no secundaria atu hanorin kona ba displina no norma sira,emprisipiu escuteiros mai kedas ho nia lei no prinsipiu rasik.
Escuteirus konselho munisipiu vikeke ba tempu ne`e sei halao deit nia actividade iha postu admistrativu vikeke villa maibe mos estabelese tan ona agrupamentu iha parte olokasa postu admistrativu ossu no iha mos planu sei estabelese tan iha postu admistrativu seluk atu bele fahe informasaun no habelar visaun no misaun escuteiros nian ema hotu.
Fransisco pinto amaral mos hato`o katak Moto husi Organizasaun União Nasional Escuteiros de Timor Leste mak “ Estuda Hodi Halao” mak hanesan halo akampamentu nomos prepara hodi ba tuir jamboree mundial. No iha tinan hirak liu husi escuteiros munisipio vikeke mos partisipa ona ba jamboree iha Jakarta ,Australia no Amerika no ba tinan 2022 Escuteiros munisipiu vikeke sei prepara mos labarik nain 2 ida husi eskola CAFÉ no ida seluk husi eskola basiko kaiju laran suku bahalarawain atu hodi ba tuir jamboree mundial iha nasaun korea do sul iha tinan 2023 .
Fransisco pinto amaral Nafatin husu ba ema hotu lahare ba kor no rasa atu sai membru escuteiros iha munisipiu vikeke nian, bele mai registo tanba escuteiros nakloke ba hotu hotu .
Jornalista: Angelina Alves
Editor : Manuel Baptista
