Komunidade suku Bahalara wa’in hamutuk ho veteranus kria jogu amizade hodi komemora loron Falentil 20 de Agosto tinan 2024 ne’e Prezidente komisaun organizadora ba actividade ne’e, Marito Pinto dehan programa nebe maka komisaun organizadora prepara maka hanesan tebe bola no voly bola. No actividade tebe bola maka sira kria taxa rotativa ida nebe hanaran Taxa Manulari CUP nebe taxa ne’e komisaun deside ona kada tinan 2 dala ida, no taxa ne’e rasik inisiativa mai hosi Veteranu Manulari nia oan mane.
“ Ita hamutuk iha ne’e atu loke ita nia actividade desportu nebe ita prepara hodi hein loron Falentil 20 de Agostu nebe atu mai. Iha ne’e iha mos programa nebe Komisaun Organizadora (KO) prepara maka hanesan jogu amizade nebe hanaran Manu Lari Cup nebe sei halo taxa rotativu ida nebe komisaun deside ona sei hala’o kada tinan rua (2) dala ida. Jogu refere hanesan inisiador hosi ita nia saudozu Manu Lari nia oan maka fo inisiativu ida ne’e atu bele hodi bele lembra fila fali iha tempu uluk saudozu sira la’o hamutuk iha ailaran. No mos balu mate no balu to’o funu hotu bele fila fali mai hamutuk ho ita. Tamba ne’e maka ho hanoin sira ne’e maka kria jogu amizade ne’e hodi kria amizade mai iha suku Bahalara Ua’in. Deklara mos iha actividade ida ne’e ami mos buka fundus uituan hosi Veteranus sira nebe la’os husu maibe ho sira nia konsiensia rasik hodi tau hamutuk par abele aselera actividade ida ne’e, no mos familia sira hosi saudozu Manulari rasik maka ho sira nia inisiativa no konsiensia rasik hodi Apou programa ne’e to’o nia rohan “.
Entretantu reprejentante Konsellu Veteranus Municipiu Viqueque nian Mario Valdemiro de Jesus hato’o hela mensajen Prezidente nian dehan, Konsellu Veteranu Municipiu pronto atu apoiu actividade nebe mai hosi inisiativa veteranus sirahamutuk ho komunidade sira, naran katak tenki iha kordenasaun nebe diak, no husu atu durante jogu ne’e la’o tenki kria amizade no paz.
“ Hau hato’o deit Prezidente Konsellu Veteranus Municipiu Viqueque Adriano da Camara ( LENTIL nian katak loron ida ohi ne’e importante tebes hodi agradese ba komisaun organizadora liu liu ba veteranus sira tamba iha inisiativa diak hodi komemora loron importante ida ne’e. Prezidente mos hameno hela katak actividade kontinia la’o importante maka iha kordenasaun nebe diak ho KVMV no mos parte sira hotu, liu liu joven, komunidade no veteranus sira iha suku Bahalara Ua’in no suku vizinu sira nebe hola parte iha actividad desportu ne’e. Atu nune’e bele kria relasaun ida nebe amizade, domin no dame hodi valorize ita nia veteranus sira nebe sei moris no mos sira nebe mate tiha ona “.
Iha parte seluk Administrador Posto Administrativo (APA) Viqueque Vila, Leopoldo da Costa Alves nebe reprezenta PAM Viqueque hodi halo hela abertura ba jogu amizade nebe hanaran taxa Manulari Cup ne’e dehan, actividade ne’e hodi komemora loron Falentil nian ba dala 49, tamba ne’e husu ba jogadores sira atu hatudu prestasaun hanesan ema desportiva hodi kria nafatin paz no fraternidade. APA Viqueque vila ne’e mos agradese ba Veteranu Manu Lari nia oan mane Domingos Pinto tamba iha inisiativa diak hodi kria jogu ida ne’e.
“ Actividade ida ne’e hodi komemora loron Falentil nian tamba ne’e husu ba jogadores sira fute bool voly bool atu hatudu ita bot sira nia prestasaun hanesan ema desportiva katak naksalak uituan karik ita bot sira maka tenki sai ema nebe maka na’in ba dame na’en ba paz no na’in ba solusaun durante actividade desportu ne’e la’o. Ita mos tenki fo parabens no basa liman ba Suku Bahalara Ua’in tamba bele kontinua halibur foin sa’e sira hamutuk ho aman Veteranus sira lori raliza actividade ida nebe maka bot tamba bele partisipa hosi suku rua vizinu hanesan Luca no Bibileo maibe laiha osan vintes ida hosi ita nia Governu rasik. Ne’e hatudu momos katak veteranus sira nia luta la hotu no sei kontinua nafatin. Tamba ne’e Joven sira ita hotu tenki kontinua nafatin obra veteranus sira nian hodi dignifika no valorize sira nia luta hodi komemora loron Falentil nian ba dala 49 iha Suku ida ne’e “.
Entretantu actividades nebe maka hala’o hodi komemora loron Falentil ba dala 49 iha suku Bahalara Ua’in ne’e maka hanesan Feira ka pameran produtu Lokal, jogu bola foli no jogu tebe bola no jogu refere partisipa hosi klube 29 nebe mai hosi suku 3 maka hanesan, suku Bahalara Ua’in, suku Bibileo suku Luca no no mos hosi suku Umatolu Postu Lacluta nian no jogu abertura ba taxa Manu Lari Cup ne’e maka klube FC Tara Bibi hasoru klube FC Tatamou B nebe hahu iha loron 22 fulan jullu ne’e no hala’o iha kampu fute bol Bahalara Ua’in Buikarin Postu Administrativu Viqueque Vila nebe loke direitamente hosi APA Viqueque Vila Leopoldo da Costa Alves.
Jornalista ; Adriano A. Mesquita
