Monday, May 20, 2024
spot_img
HomeFoto GaleriaMEKAE halo abertura ba Konsultasaun Reajustamentu PED iha Municipiu Viqueque, 

MEKAE halo abertura ba Konsultasaun Reajustamentu PED iha Municipiu Viqueque, 

  

Ministru kordenador ba Asuntu Ekonomiku Joaqui Amaral segunda feira nee ( 20-06-2022) halo abertura ba Konsultasaun Publiku a nivel Municipal ba prosesu Reajustamentu Planu Estrategiku Desenvolvementu ( PED ) 2011 – 2030 iha Municipiu Viqueque.

Administrador Municipiu de Viqueque, Januario Soares – Boli hanesan uma nain hato᾽o bemvindu ba Ministru ho nia ekipa tomak. No Ad. Municipiu ne᾽e mos husu ba partisipantes sira atu fo kontribuisaun no opiniaun atu nunee hodi bele hadia diak liu tan Desenvolvementu ha Municipiu Viqueque.

Ministru Kordenador Asuntu Ekonomiku Joaquim Amaral iha nia intervensaun molok atu loke konsultasaun ne᾽e dehan, TL iha ona Planu estrategiku ia hahu kedas iha 2011-2030, no iha buat barak maka ita atinji ona no iha mos buat balun maka seidauk.

᾽᾽ Hanesan ita hatene desde 2011 TL iha PED ida nebe difini ba tinan 30 oin mai TL atu lao ba iha nebe bele sai hanesan pais ida nebe ho nia ekonomia iha mediu rendimentu ninian. Tamba nee maka liu tiha tinan 10 resin  Governu halo balansu ida hodi hare katak durante nee iha buat balun hare katak metas lubuk ida ita atigi ona no balun ita seidauk atingi e balun presija atu halo reajustamentu. Balansu ida nee mos hatur iha situasaun ida nebe maka ita nia estadu no mundu hasoru maka hanesan hanesan Covid-19, Inudasaun iha fulan Abril 2021, mudansa klimatika no funu iha Ukraina nebe perturb aba distribuisaun sasan no aihan a merkadu globa sai difisil. Ho situasaun sira nee maka Governu sente katak iha nesedidade atu halo rejustamentu ba PED atu bele redifini fila fali ita nia metas sira atu nunee situasaun sira hanesan ohin temin maka se mosu fali maka TL iha ona kbit naton atu bele hasoru᾽᾽.

Ministru Joaquim Amaral nebe reprezenta PM nee  mos dehan konsultasaun nee importante tebes  atu hetan apoiu ida boot liu ba iha future TL nian. Tamba nee Ministru husu atu kontribui opiniaun no hanoin sira tu bele hadia mekanismu sira nebe ita seidauk konsege atingi.

Partisipantes sira nebe maka hola parte iha konsultasaun refere mai hosi Directores linhas sektorais nivel Municipiu nian, Administradores Postos Administrativus 5 Cefe Sucos 36 no funsionaris sira iha Municipiu Viqueque nian aran. No konsultasaun Planu estrategiku 2011 – 2030 nee sei fahe ba parte 2 ( loron 2 ) loron primeiru ( 20-06-2022) sei halao ba autoridades estadu nian no loron daruak ( 21-06-2022) sei halao ba Sociadade Civil sira, Emprezariu no mos organizasaun sira seluk nebe maka laos Governu nian.

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x