Mision Aviation Fellowship ( MAV hala’o sosializasaun ba komunidade no autoridade Lokal sira iha kampu aviasaun Naeboruk Segunda feira semana ne’e kona ba aviaun nebe sei semo mai Municipiu Viqueque hodi tula ema moras no mos pasajeirus sira nebe hanaran semo ba ema hotu. Tuir partnertship Development Oficer Marlon Cristianto Liu (Marlo) MAF katak sira nia prezensa iha Timor Leste komesa kedas iha tinan 2007 hodi servi hamutuk atu lori tulun iha situasaun emergensi sira.
“ Tamba sa maka MAF iha Timor Leste? Misio Aviation Fllowship (MAF) nudar Organizasaun Kristaun nebe habelar Jesus Cristu nia domin liu hosi servisu aviasaun nian. MAF mai ho nia misaun no servisu iha TL iha tinan 2007 no lokaliza iha areoportu Internasional Nicolau Lobatu Dili, ho nia lema maka Semo ba Moris ( Fliht for Live) no MAF kontinua nia misaun iha TL tamba Na’I Maromak hadomi ema hotu, no komunidade Timor Leste hola parte ba Na’I Maromak nia Reinu mos. Ami hakarak atu hare ita bot sira nia moris hetan transformasaun liu hosi Jesus Cristu nia domin no ami nia prezensa iha ne’e atu servi hamutuk hodi lori tulun esperansa no kurativu liu hosi aviaun, ( ne’e maka bain bain ami nia aviaun sempre mai Viqueque hodi tula ema moras sira). Ami nia prejensa mos iha TL la’os atu halo negosiu ka buka lukru, maibe ami nia prejensa iha ne’e atu servi ita bot sira hodi hetan tulun iha situasaun emergensia hodi bele asesu transportasaun aero ida nebe seguru, ne duni MAF nia prejensa atu servi hamutuk ho povu TL no fahe Na’I Maromak nia domin liu hosi servisu aviasaun. Ikus liu ami espera katak ita bot sira sei hamutuk ho ami iha eventu ida ne’e, no ami mos hakarak rona ita bot sira nia preokupasaun ka defikuldade nebe ita bot sira hasoru “.
Entretantu responsavel media no komunikasaun MAF nian Lobitus Alves husu apoiu ba komunidade sira nebe maka hela besik iha kampu aviasaun atu ajuda fo seguransa nafatin.
“ Ami nudar operador ba aviasaun nian hakarak husu mos apoiu hosi maluk sira nebe maka hela besi kampu aviasaun iha ne’e atu bele tau matan netik ba kampu aviasaun ida ne’e hodi nune’e wainhira aviaun mai tula ema moras ruma karik it abele utilija kampu ida ne’e ho diak. Iha pontus 3 nebe maka hau hakarak husu ba emi, primeiru maka; kuidadu ita bot sira nia animal, ita bot sira nebe maka hela besik iha kampu aviasaun ida ne’e atu labele kesi animal iha kampu laran wainhira aviaun atu tun no semo, segundu maka atu ajuda ami nia ajente sira nebe maka ami tau iha ne’e hodi ajuda sira tesi du’ut sira iha kampu sorin nebe naruk, no terseiru ka datoluk nian maka; labele tama kampu aviasaun wainhira aviaun halo hela movimentasaun ka aviaun atu tun no semo no labele koko atu besik aviaun “.
Iha fatin hanesan Cefe do Suco Uma Uai’in Kraik Angelo Soares hodi komunidade suco rua nia naran hato’o agradesementu ba MAF tamba bele fahe ona informasaun ba sira no nia mos dehan, “ ami nia komunidade ladun partisipa ho maximu ka ema ladun barak tamba informasaun nebe ami simu tarde liu tamba ne’e mak sira ladun partisipa, no atu dehan katak komunidade nebe maka agora prejensa iha ne’e hosi Suco 2 mak hanesan Suco Uma Uai’in Kraik no Suco Uma Ki’ik “.
Entretantu reprezentante PAM Viqueque, Sekretariu Asuntu Sosial nian Acacio mos agradese ba MAF no husu ba komunidade sira nebe hela besik iha kampu aviasaun atu kopera ho pesoal sira MAF nian hodi kria estabilidade no seguransa wainhira aviaun atu tun no semo.
“ Hau agradese ita bot sira nia prezensa iha ne’e hodi fo apoiu mai ami ho ami nia komunidade sira, no hau hakarak hato’o hele hau nia mensajen ba ita bot sira atu tau hele koloka hela ita bot sira nia ema iha fatin ne’e atu hodi hare hela hodi servisu hamutuk ho komunidade sira iha ne’e liu liu wainhira aviaun atu tun no semo no mos orariu nebe maka aviaun atu tun nia tenki klaru, tamba komunidade sira iha ne’e barak no mos labarik ki’ik sira mos barak maka halo movimentu iha kampu laran atu nune’e bele kontrola ema no animal sira labele tama iha kampu laran, no hau mos apela ba autoridade sira no komunidade sira katak ida ne’e ita agradese ba sira (MAF) tamba bele mai ajuda ona ita liu liu iha tempu emerjensia nia laran, tamba aviaun semo hosi ne’e ba Dili han tempu minute 30 deit, mais kuandu it aka moras ba ho kareta ita bot sira imajina deit han tempu bele to’o oras 5 ka oras 6, ema moras bele grave ka mate iha dalan. No mos bele ajuda ita kuandu ita presija urjente ruma karik, ajuda la signifika gratis, ita selu maibe laos karun liu. No hare areadores aviaun nia tenki kuidadu liu liu labarik ki’ik oan sira “.
Hafoin hala’o tiha sosializasaun ekipa MAF oferese aviaun ba komunidade sira hodi sa’e koko aviaun no semo hadulas Viqueque nia laran. No aviaun ho naran ZI Air Band ho nia kapasidade tula ema hamutuk nai’in 8 inklui avidor. Partisipa iha sosialijasaun nebe hanaran “ Semo ba ema hotu “ Reprejentante PAM Viqueque, Cefe Suco Uma Uai’in Kraik ho nia Cefe aldeia sira no komunidade hosi Suco Uma Ua’in Kraik no Suco Uma Ki’ik inklui ekipa hosi MAF no mos konvidadus sira seluk tan.
Jornalista; Adriano A. Mesquita
