Centru Juventude Municipiu Viqueque (CJV) fo formasaun ba joven hamutuk 25 iha suku Uma Ki’ik Postu Viqueque vila. Director ezekutivu Centru Juventude Municipiu Viqueque Januario Benevides de Araujo esplika ba jornalis RPV katak formasaun ne’e halai liu ba iha edukasaun Civika ho nia objetivu atu forma joven sira nia karakter no muda sira nia mentalidade. Januario Benevides mos hatutan dehan orsamentu ba formasaun refere mai hosi Gabinete apoiu Sosiadade civil hamutuk osan rihun sanulu.
“ Formasaun nebe ita hala’o iha suku Uma Ki’ik ne’e hare liu ba iha edukasaun Civika no formasaun ne’e ho nia objetivu atu oinsa it abele muda karakter joven sira nian no mos atu nune’e joven sir abele iha hanoin nebe diak atu sir abele iha atetude nebe maka diak hodi hala’o iha sosiadade “.
Entretantu Benevides mos kontinua afirma katak hosi formasaun ne’e rasik atu hodi bele muda mentalidade joven sira nian tamba agora dadauk ne’e joven sira nia karakter no mental la hanesan joven sira uluk nian, tamba ne’e maka iha inisiativa hodi kria formasaun ne’e tuir planu nebe estabelese ona iha GASC nian.
“ Buat simples de’it, tamba dala barak ita hare katak joven barak maka sira nia hahalok la hanesan ona ho joventude sira nebe uluk tamba oras ne’e dadauk ita hare iha familia de’it mos la respeita ona malu no kontra inan aman no iha sociadade mos ita hare joven sira komesa la rona malu no sempre kontra malu, maibe la signifika katak iha suku Uma Ki’ik ne’e iha problema hela de’it. Ne’e hanesan pasu ida atu mentaliza fali joven sira nia mental hodi hala’o oha pratika moris lor-loron, tamba ne’e maka ita (CJV) iha hanoin hodi halo proposta ba iha Gabinete Apoiu Sociadade Civil ( GASC) no hetan aprovasaun nune’e mos define klaru kedas ona iha GASC nian hodi ita implementa “.
Januario Benevides mos Hatutan katak katak material importante iha formasaun ne’e maka edukasaun civika no mos iha tan material sira seluk mak hanesan boa governasaun no Lei no normas sira no mos etika no moral. No formador sira mai duni hosi CJV nia membru voluntaries sira nebe maka hetan ona formasaun kona ba Trening of Treiner ka TOT nian no formasaun ne’e rasik hala’o durante loron lima nia laran.
“ Hosi material sira ne’e la’os ita implementa de’t kona ba edukasaun civika maibe ita mos fahe ba joven sira kona ba boa Governasaun, Etika no moral no mos respeita normas legais sira maka ita sei fahe ba joven sira. No formasaun ne’e rasik ita sei hala’o ba iha Postu hat (4) maka hanesan Postu Viqueque vila mak oras ne’e la’o hela, Postu Ossu, Postu Lacluta no mos Postu administrative Watulari, no kada postu ita sei hili suku ida “.
Entretantu formasaun ne’e rasik sei hala’o iha Postu lima maka hanesan Postu Viqueque vila, Ossu Lacluta no mos Postu administrative Watulari no orsamentu mai hosi Gabinete Apoiu Sociadade Civil ka GASC ho montante hamutuk dolars Amerika rihun sanulu.
Jornalista ; Adriano Mesquita
