Eskola Ensinu Baziku Filial (EBF) Lekigari Menus Professores tanba iha eskola refere iha de’it profesóres nain tolu (3) inklui kordenador escolar hodi hanorin estudantes hamutuk 65 no iha sala haat (4) ho sala profesór ida no iha matéria sia (9).
Tuir kordenador Ebf Lekigari Armindo da Costa hato’o ba jornalista Radio Povo Viqueque (RPV) iha nia knaar fatin eskola Ebf Lekigari tersa feira ne’e katak “diferente tebes ho eskola seluk tanba profesór ida mak hanorin iha aula rua loloos ne’e kordenador la bele hanorin, bainhira profesór ida lisensa mak kordenador bele hanorin ida ne’e sente todan atu halo administrasi eskola mós difisil uitoan karik profesóres sira mai hotu entaun kordenador bele halo gestun ou buat balun iha eskola. Agora ne’e mai ami senti todan tanba eskola Ebf lekigari profesóres hamutuk na’in tolu inklui ho kordenador iha profesór ida hanorin primeiru no segundo ano profesór ida hanorin iha kuartu ano no kordenador hanorin iha terseiru anu karik profesór ida mak lisensa entaun kordenador mak hanorin hotu”.
Alende ne’e kordenador Ebf lekigari Armindo da Costa husu mos ba Ministeriu da Edukasaun no diressaun edukasaun Munisípiu Viqueque atu aumenta tan profesór iha eskola Ebf lekigari nian tanba durante ne’e hato’o ona ba iha diresaun edukasaun Munisípiu no sentru bolsa kandidatu ba eskola Ebf lekigari iha maibé ema hare kondisaun eskola no iha área rural nemak ema la mai, antes ne’e kordenador mos informa ona ba inspektor supertendente maibe sira dehan buka mak halo transferensia besik ona tinan ida maibé seidauk halo transferensia profesór ba eskola Ebf lekigari. Entretantu eskola refere iha Suco Ossu de Cima Posto Administrativu Ossu Municipiu Viqueque.
Too notisia ne’e fo sai ami seidauk halo konfirmasaun ho diresaun edukasaun Munisípiu Viqueque.
Jornalista ; Eugenia Alves
