Centru Solidaridade Sosial Municipio Viqueque Segunda feira loron 18-09-29023 semana ne’e halao formasaun ba Funsionariu sira hamutuk ema nai’in 57 kona ba reajustamentu ba bolsa da mᾶe kondisional. Responsavel Centru Solidaridade Sosial no Inkluzaun Municipio Viqueque, Geraldo de Carvalho hateten objetivu hosi formasaun ne’e maka atu halo programa reajustamentu ba bolsa da mᾶe kondisional liu liu kona ba oinsa atu prense formulariu nian, tamba iha tempu badak sira sei tun ba iha Suco sira hodi halo reajustamentu kona ba programa refere.
“ Ami nia objetivu fo formasaun ne’e maka atu halo reajustamentu kona baapoiu subsidiu bolsa da mᾶe kondisional halai liu ba oinsa maka atu prense formulariu sira wainhira tun ba iha baze, no actividade ne’e partisipa hosi funsionariu MSSI nian deit hamutuk ema nai’in limanuli resin hitu ( 57 ). No hafoin de tuir tiha formasaun ne’e sira sei tun ba iha Suco sira hotu iha Municipiu Viqueque nia laran hodi foti dadus durante loron sanulu resin hat ( 14 ) nia laran hodi halo reajustamentu. No ami sei fahe ba grupu lima ( 5 ) tuir Postos lima nebe iha. No benifisiariu sira maka tuan hamutuk atus walu ( 800 ) no sira foun hamutuk atus tolu ( 300 ) maka ami sei ba halo reajustamentu”.
Entretantu Director Servisu Solidaridade Sosial Municipio Viqueque, Geraldo de Carvalho husu ba komunidade tomak no mos autoridade Lokal sira atu kopera ho ekipa MSSI nian hodi fo dadus nebe los atu nune’e servisu ne’e bele la’o ho diak no sei fo benefisiu nebe diak ba komunidade sira.
“ Hau husu ba komunidade Viqueque tomak, no liu liu ba autoridade local sira hanesan Cefe do Suco, Cefe Aldeia sira OPS no mos Administradores Posto sira atu kopera ho ami nia ekipa, atu nune’e bele hamosu dadus ida nebe diak no los. Tamba servisu ida ne’e sei fo benefisiu ba ita nia komunidade sira”.
Jornalista ; Adriano A. Mesquita
Editor ; Florindo de Jesus
