Prezidente autoridade Municipiu (PAM) Viqueque husu ba Administradores Postu Administrativus sira atu kumpri sirkulan nebe fo sai tiha ona no haruka on aba postus administrativus sira atu implementa. PAM Francisco Cruz Simoẽs Gonzaga Soares mos dehan apa sira tenki implementa ona sirkular refere atu nune’e labele fo risku ba ita ema nia moris tamba agora dadauk mos mosu tan ona moras ida hanaran Raiva nebe mai hosi animal sira hanesan asu no busa.
“ Hau husu ba komunidade sira no liu liu atoridade Postu sira (APA) sira atu kumpre karta sirkular nebe hasai tiha ona hodi tenki implementa ona, fatin fatin halo ona. Tamba ita lakohi atu agora dadauk ne mos iha ona virus ida naran Raiva no virus ne’e perigozu la halimar ba ita nia oan sira, ita lakohi atu aban bainrua ita nia oan sira hetan susar. Tamba ne’e maka husu ba autoridade sira atu implementa ona iha ida idak nia postu no suku sira animal sira husu ba ita nia komunidade para atu sulan laos husik arbiru para halo ita nia cidade la saudavel, depois bele ameasa mos ita nia oan sira no ameasa mos ema sira nebe maka uja estradan motor no kareta sira halai ba mai mos animal sir abele prejudika mos “
PAM Municipu ne’e mos husu ba APA sira atu servisu hamutuk ho parte PNTL nian hodi implementa sirkular ne’e no labele la’o mesak mesak de’it.
“ Importante maka tenki halo kordenasaun ho parte PNTL sira,tamba ita atu implmenta buat ruma liu liu kona ba sirkular nebe maka fo sai hosi Nasional mai to’o Municipiu atu implementa tenki kordena ho PNTL labele dehan ita mesak mak ba. Iha Municipiu rasik oras ne’e implementa hela no to’o agora ne’e mos ekipa sira hala’o hela servisu atu nune’e bele eduka ita nia komunidade sira hodi sulan tiha sira nia animal, tamba se sira hadomi sira nia an, hadomi sira nia oan sira hadomi ema seluk no hadomi ambiente tenki sulan tiha animal iha nia fatin “.
Entretantantu relasiona ho sirkular nebe fahe on aba iha Postu administrative sira ne’e, Administrador Postu Administrativu (APA) Lacluta Pascoal Gama Martins dehan, nia simu duni ona sirkular refere maibe seidauk bele implementa tamba nia parte sei halo uluk lai enkontru ho cefe suku, sefe aldeia no komunidade sira hodi esplika uluk lai maka foin bele implementa.
“ Parte Postu Lacluta nian karta sirkular ne’e hau simu tiha ona maibe seidauk bele implementa tamba hau buka atu halo lai konsolidasaun bah au nia komunidade sira para sira hodi prepara halo lai luhan prepa fatin ba animal nian atu nune’e implement abele la’o ho diak. No hau nia planu komesa dia 22 hau tun ba suku sira hodi halo esplikasaun ba komunidade sira no tarde liu dia 30 fulan Julho tinan 2025 ne’e tenki implementa ona “.
Entretantu tuir karta sirkular nebe fo sai ona ne’e atu komunidade sira tenki sulan sira nia animal sira nebe maka hakiak iha nia luhan ka fatin.
Jornalista ; Adriano A. Mesquita
