Programa maun de obra posto administrative ka PMOPA posto Lacluta nian hahu halao tiha ona iha fulan Julho liu no fahe ba grupu 56 trabalhadores maka involve iha actividade refere. Lia nee hatoo hosi administrador Posto Administrativu Lacluta, Jose Andrade dos Santos iha nia servisu fatin wainhira jornalista RPV halo intrevista. Jose Andrade mos informa katak orsamentu nebe maka aloka ba postu lacluta ho montante dolar America rihun atus ida rualunu no sei halao ba faze rua, sira forma gropu 56 no kada gropu sei servisu durante loron 20 tuir mata dalan nebe iha . Administrador postu nee hatutan dehan programa nee implementa iha timor laran tomak. Administrador Postu nee mos hatutan dehan Sistema servisu nebe maka sira halao maka servisu tuir grupu no rekrutamentu mai hosi cefe aldeia no cefe sucos no monitorizasaun hosi funcionarius sira hamutuk ho cefe sucos no cefe aldeia sira maka halo monitorizasaun no administrador posto maka sai hanesan programa PMOPA nia naiin iha postu ida idak. No iha postu Lacluta rasik actividades servisu hamos no taka Estrada kuak komesa hosi Raihun ba too iha mota wedora area suco ahic nian, no Sira mos aluga kareta tolu hodi ajuda lalin rai henek atu ateru Estrada sira. No kada kareta sira selu dolar hitu nulu resin lima kada loron.
Administrador Posto administrative Lacluta Jose Andrade dos Santos husu ba komunidade tomak iha postu Lacluta no ba komunidade em geral iha Municipiu Viqueque nebe involve an iha grupu ka ekipa ba servisu PMOPA nian atu servisu ho laran no fuan atu nunee bele hadiak no hamos ida ida nia area ka suco sira. Adminstrador nebe ho nia moto dehan// Buka matenek fahe matenek no servi ho matenek nee husu ba komunidade lacluta nebe involve an iha grupu laran atu kontinua servisu ho diak hodi hamos no hadia Estrada sira atu bele kontribui mos ba hamenus risku desastre wainhira halao viagen ho kareta ka motor.
