Tinan rua nulu resin ona Timor-Leste sai hanesan nasaun independente maibé povu iha área rural nafatin halerik ba infrastrutura basiku sira. suku nahareka eziste iha postu Ossu Municipiu Viqueque mak suku ida ne’ebé distansia dok liu husi nia postu administrativu ho nia totál populasaun hamutuk rihun rua atus lima ualu nulu resin hitu (2587).
Iha Residensia postu administrativu Ossu Munisípiu Viqueque jornalista Radio Povo Viqueque (RPV) dadalia ho sefe suku Nahareka José Martins Sequeira Lopes hato’o katak infraestrutura bazika hanesan escolar, saude agricultura no Estrada maka sai hanesan preokupasaun ba komunidade sira inklui autoridade local rasik. Jose Martins Siqueira informa liu tan dehan, “ dadaun ne’e estrada diresaun husi Suku Nahareka ba postu administrativu Ossu diak tanba kompaña Borala Unip. Lda mak halo hela rehabilitasaun maibé diresaun husi Postu Kelekai mai iha Suku Nahareka mak at tanba dadaun ne’e iha mudansa klimatika entaun dalan klaran ida ne’e prejudika ba komunidade nia movimentasaun no difisil mós lori nia nia produtu lokal asesu ba merkadu, kona-ba problema infrastrutura bázika dezenvolvimentu, hau hanesan sefe suku hato’o ona ba parte ekipa husi Munisípiu no Nasionál ne’ebé mak ba ona iha suku Nahareka liu husi nia ekipa Obras Públika “.
Entretan sefe suku Nahareka hato’o mensajen ba nono Governu Konstitusional atu tau matan liu ba setor saúde, edukasaun agrikultor no estrada ne’ebé dadaun ne’e komunidade sira infrenta hela iha postu administrativu Ossu ne’ebé liga ho infrastrutura basiku liu liu ba dezenvolvimentu durante ne’e lubuk ida mak lalao husu governu atu tau matan ba iha prosesu dezenvolvimentu la’o iha suku sira liuliu suku nahareka.
Suku nahareka iha aldeia iha Aldeia lima mak hanesan Darenau,Makabu’u,Maurate,Railaa no samarogo ho nia produtu sira mak hanesan Kami, Nu no produtu seluk tan maibe susar atu lori sai ba merkadu tamba kondisaun Estrada nebe la diak.
Jornalista ; Eugenia Alves
