Noticia 3-02-2022
Cruz Vermelha de Timor Leste ( CVTL ) filial Viqueque ba tinan 2022 sei komntinua ho actividades balun nebe maka halao tiha ona iha Tinan 2021 liu ba maibe seidauk finalize ka remata.
Actividades sira nebe maka sei iha kontinuasaun maka hanesan Be᾽e no saneamentu iha Suku Makadike.
Kordenadora CVTL Filial Viqueque Severina Marques da Silva ba Jornalista RPV Tersa feira semana ne᾽e iha nia servisu fatin Beloi dehan, “ Actividades nebe maka CVTL halao ba tinan 2022 ne᾽e maka ami sei kontinua nafatin ba Be᾽e no saneamentu iha Suku Makadike nebe seidauk remata, Dezastre Naturais no programa Juventude nebe hanaran programa Juventude iha escola nebe dadaun ne᾽e implementa hela iha escola Liceu 4 de Setembro Viqueque.
Severina Marques mos hatuta dehan actividade refere partipa hosi estudantes sira hosi Escola Liceu 4 de Setembro no Escola Sekundaria Kalixa no kada escola iha juventude 50 maka partisipa”.
Alem de programa sira nebe mensiona iha leten CVTL filial Viqueque mos kontinua halao actividades iha Parte Saude nian Liu liu kona ba Covid 19.
Tuir Kordenadora CVTL ne᾽e katak, maske komunidade sira hatene ona informasaun kona ba oinsa halo prevensaun hasoru moras Covid 19 maibe CVTL iha nafatin responsabilidade hodi Servisu hamutuk ho MS atu hato᾽o nafatin informasaun ba publiku sira tamba moras ne᾽e too agora seidauk lakon hosi mundu no mos variante foun nebe hanaran Omikrom nebe agora dadauk mos sa᾽e makaas iha mundu inlui mos ameasa mai ita iha TL.
Buat seluk tan nebe maka CVTL hala᾽o ba tinan 2022 ne᾽e maka hanesan; Oinsa atu buka rasik osan hodi sustenta ba CVTL rasik. Actividades buka rasikosan nebe CVTL halao maka hanesan prepara Get hause ba bainaka sira, fo aluga kadeira no tenda ba ema nebe maka presiza no mos actividades sira seluk nebe bele hetan rendimentu ba CVTL filial Viqueque rasik, tamba tuir Severina Marques katak labele hein deit osan hosi doador sira tamba waihira doador sira la ajuda karik CVTL Filial Viqueque sei lao nafatin ho nia osan rasik nebe maka iha ona maske la sufisiente.
Jornalista; Lourensa Soares,
Editor; Florindo de Jesus
