Formandus 210 lian engles termina sira nia formasaun durante fulan 3 , formasaun ne’e fo husi SEFOPE ba kandidatu palm ho valor 49 mai kraik serimonia fahe sertifikadu ba formadus sira iha salaun Munisípal Viqueque vila.
Iha serimonia fahe sertifikadu ba formadus sira diretor Jerál servisu korperativu Nelson Soares Carvalho hatoo ba formadus sira katak “ prepara an diak liu tanba merkadu trabalu hein ita bot sira, sefope lori formasaun hakbesik ba Munisípiu hodi ajuda joven sira nia futuru, atu nune’e Joven sira problema ho ekonomia hodi bele bele fokus,fo durasaun fulan tolu hodi prepara an didiak, sertifikadu ne’ebé simu ida ne’e responsabilidade no hatene ida ne’e mak sei susar, tempu ida ita nia rai sei dezenvolve ho di’ak ita mos tenke prepara an diak no agradese ba diretor eskola sentrál beloi ne’ebé oferese fatin ba diresaun nasionál formasaun hodi fornese formasaun ba ita nia joven sira, tanba ami hatene iha Viqueque seidauk iha sentru formasaun ne’ebé foku liu ba lian English “.
Alende ne’e reprezentante Prezidente Autoridade Municipal (PAM) Viqueque Acacio de Souza hato’o mos katak “ primeira ves husi parte sefope Munisípiu fo hela formasaun lian english ba formadus sira husu joven sira hotu atu partisipa iha formasaun sira tanba nono governu planu ona katak formasaun hotu-hotu hakbesik ona ba ita nia povu sira no joven sira iha area remotas tenke partisipa hotu ‘laos ba sira servisu iha rai li’ur det,maibe servisu iha rai laran mos governu prepara ona, Joven sira prepara mos ba ita nia produtu sira liuliu Viqueque oan sira, kontribui servisu ba ita nia rai mos bele hetan dezenvolvimentu la’os ba iha Austrália de’it mak servisu, tuir formasaun kualker hodi hetan formasaun diak mak utiliza ba servisu husu mos ba diresaun nasionál sefope bele halo planu fo tan formasaun ruma iha postu lima ne’e no husu ba formadus sira ne’ebé tuir ona kursu ne’e faze por faze “.
Partisipa serimonia fahe sertifikadu ne’e husi Diretor Geral SEFOPE Carlito do Rosario Cabral, PNTL, liña Ministeriais iha Munisípiu Viqueque, husi formadus nain 210 iha sanulu resin hitu mak hetan valor as/very good husi feto nain hat no mane sanulu resin tolu,no antes ne’e kandidatu husi Munisípiu Viqueque hamutuk nain 3.777.
Jornalista; Eugenia Alves
