Monday, May 20, 2024
spot_img
HomeFoto GaleriaRadio Povo Viqueque fahe sertifikado ba formados naiin 20

Radio Povo Viqueque fahe sertifikado ba formados naiin 20

Tersa feira semana nee ( 20-09-2022 ) Gestor Radio Povo Viqueque Florindo de Jesus hamutuk ho Presidente Asosiasaun Radio Comunidade Timor Leste ARKTL Prezado Ximenes fahe Setifikado ba formadus nain 20 iha edifisiu RPV nian iha Karuik Dasi Mauk Viqueque vila.

Gestor RPV hatoo nia apresiasaun no agrades ba partisipantes sira tamba bele partisipa ona iha treinamentu nee ho diak.

“” Hau agradese ba ita boot sira tamba bele atende ona ami nia konvite hodi partisipa iha treinamentu ida nee ho diak, no hau espera katak buat nebe ita boot sira hetan hosi treinamentu nee bele aumenta liu tan ita boot sira nia konyesementu no bele implementa iha ita boot sira ida idak nia moris lor loron. Tamba ita hatene iha ita nia Municipiu nee rasik kazu violensia hasoru feto no labaik feto sira sei as kompara ho Municipiu sira seluk tuir dadus nebe iha. Tamba nee ho treinamentu durante loron 3 nebe ita koalia liu kona ba oinsa atu kontrola hirus no emosaun hodi labele hamosu violensia iha familia nebe ita bot sira hetan ona nee bele ajuda emi hodi bele kontrola an””.  

Nunee mos Presidente ARKTL Prezado Ximenes iha nia lia menon ba partisipantes sira Husu atu fo atensaun  maximu ba ita nia inan feton no alin feton sira, no Prezado mos dehan actividades ka material sira hanesan nee ita boot sira sei la hetan iha escolar, tamba nee karik iha oportunidade tenki hola parte mos iha actividade extra sira hodi aumenta tan emi nia kanyesementu. No sertifikadu nebe maka RPV fob a nee hanesan sinal ida hodi hatudu katak emi mos partisipa ona ha formasaun kona ba ida nee.

“ Hau pesoal apresia ho emi nebe partisipa ona iha formasaun nebe halao hosi RPV durante loron 3 nia laran. Hau hatene katak durante loron 3 nee la sufisiente ba emi atu kompriende buta hotu, maibe pelu menus bele loke netik emi nia konysementu kona ba asuntu feto no labarik feto sira nian iha emi nia Municipiu. Tamba iha Nasaun barak inklui ita iha TL asuntu direitu Feto nian sai kestaun boot no ema sei kontinua viola direitu feto sira nian. Agora iha ita nia Konstituisaun rasik mos dehan momos iha neba katak feto ho mane iha direitu nebe hanesan, maibe ita hare no akompanya katak dala barak ita mane sira sei kontra ka viola nafatin feto sira nia direitu. Tamba nee liu hosi formasaun sira hanesan nee atu hodi fo konyesementu ba ita kona ba oinsa atu kontrola ita ida idak nia an hodi labele hamosu violensia atu nunee it abele hamenus tiha kazu violensia nebe akontese ita ita nia let, tamba atu prevene violensia sira nee tenki komesa hosi ita ida idak nia an”. 

Entretantu sertifikadu nebe fahe nee tamba partisipantes sira tuir tiha ona treinamentu kona ba Oinsa Atu kontrola Hirus no Sensebilizasaun Igualdade Generu no Violensia Bazeia ba Generu durante loron 3 hahu hosi loron 18 – 20 fulan Agosto  2022 liu ba iha edifisiu RPV nian, no partisipantes sira mai hosi Escola Sekundaria tolu nebe estabelese iha Viqueque vila hanesa Escola Liceu 4 de Setembro Viqueque reprezentante ema nain 4 ( feto rua no mane 2) Escola Sekundaria Santo Estevaõ Viqueque no escola Sekundaria Kalixa mos sira nia reprezentante hanesan, no hosi Grupu Rona Naiin no mos jornalista RPV nian ema nain 8 maka partisipa. Treinador sira nebe maka fo treinamentu mai hosi ARKTL ema 1 no hosi RPV rasik ema nain 2 nebe antes nee tuir tiha ona TOT iha Dili.

Atu informa mos katak actividade Treinamentu nebe halao tiha ona nee hanesan pakote ida hosi actividades Produsaun Pakote Radio kona ba Hakbit konesementu Komunidade sira nian hodi prevene violensia hasoru feto no labarik Feto sira  hamutuk topiku 10 nebe maka RPV produz ona hodi desimina ba komunidade sira,

Actividade Treinamentu nee realiza tamba RPV servisu hamutuk ho ARKTL no hetan apoiu fundus hosi GIZ koperasaun Alemanya iha TL.

Jornalista; Manuel Baptista 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x