Komunidade Suku Uabubu seidauk asesu ba be mos

Oras ne’e daudaun komunidade iha suku uabubu seidauk asesu ba bee  ida ne’e mos sai preokupasaun hotu tanba ita ema,ai horis no animal sira moris presiza bee,bee mak fó moris ba ita iha ita nia moris loroloron nian. Tuir sefe suku uabubu  Joanico Maria Alves da Cruz hatoo ba jornalista Rpv iha postu administrativu Ossu dehan, equipa husi BTL, Nasionál, Munisípiu no postu iha tinan 2024  ba ona halo survei fatin maibé to’o ohin loron dehan katak orsamentu ba ida ne’e seidauk iha. Cefe Suku Joanico Maria Alves da Cruz mos konfirma liu tan dehan, karik maka kanaliza duni ona Bee mos ba suku Uabubu la’os suku ne’e de’it mak uza maibé suku tolu ou haat seluk mos bele asesu hotu. Joanico kontinua dehan, Nafatin konfirma iha Munisípiu nian SMASA SAS  iha postu nian maibé dehan katak  registu hela iha ne’ebá hodi hein deit orsamemtu kuandu iha ona maka foin implementa . Labele uza programa PNDS nia orsamentu tanba ita presiza orsamnetu bot  tanba ne’e mak diretamente ba iha Nasionál maka sei bele hare ida ne’e. Joanico Maria Alves afirma liu katak, Bee mos ami  husu nafatin tanba komunidade sira presiza bee mos, ami mos husu atu be  matan ne’ebé uluk survei ona husu atu tau orsamentu ida atu bele kanaliza mai komunidade sira hodi bele uza.

Tuir informasau  ne’ebé  sefe suku hatoo katak komunidade husi Suku uabubu sei dauk asesu  bee moss too oras ne’e, tamba ne’e jornalista Radio Povo Viqueque (RPV) tenta halo konfirmasaun ho kordenador BTL Municipiu Viqueque iha nia servisu fatin Beloi Viqueque maibe laiha fatin ho razaun tuir hela formasaun iha fatin seluk.

Entretantu Suku Uabubu hola parte ba iha Posto Administrativo Ossu Municipiu Viqueque no kompostu hosi familia una kain hamutuk atus lima resin.

Jornalista; Eugenia Alves