Tinan sanulu resin rua (12) ona fasilidade saúde iha suku uabubu laiha no pesoal saúde sira uza de’it komunidade nia rezidensia sai hanesan postu saúde hodi hala’o tratamentu ba komunidade sira iha suku Uabubu Postu Administrativu Ossu Municipiu Viqueque.
Tuir sefe suku Uabubu Joanico Maria Alves da Cruz hatoo ba jornalista Rpv iha Postu Administrativu Ossu dehan katak “ realidade ne’ebé iha mak komesa husi tinan 2013 too ohin loron pesoal saude sira uza de’it uma komunidade nian sai hanesan postu saúde, ida ne’e sai preokupasaun ida hanesan autoridade Suku Uabubu no nafatin hato’o diretamente ba Ministeriu liu husi planu autoridade hato’o iha Programa Nasionál Dezenvolvimentu Suku (PNDS) nian diskute iha suku too postu admonish trativu maibe too agora nafatin uza uma komunidade nian hanesan postu saúde Uabubu, uluk iha ona no husi Munisípiu, Postu ba too iha suku hodi hare fatin depois atu hari uma (postu saude) maibé tama iha eleisaun no troka governu,atu implementa fali dehan tenke pakote ida ho rezidensia pesoal saúde nian ho ida ne’e katak orsamentu lato’o entaun parado too ohin loron “.
Alende ne’e sefe suku akresenta tan katak “ nafatin hato’o mensajen liu husi administrasaun postu, Munisípiu no diretamente ba sentru saúde hanesan liman ain Ministeriu saúde nian hato’o nafatin karik tempu ruma la’ós agora maibé tinan tuir sebele harii postu saúde iha suku uabubu “.
Suku Uabubu iha aldeia mak hanesan Osogori, Lekibuti, Uailia, Buanurak Dauborubha no Letame kompostu hosi uma kain hamutuk atus haat (400).
Jornalista; Eugenia Alves
