Komunidade juventude Posto Administrativu Ossu kria jogu komunitariu hodi komemora loron Restaurasaun Independensia RDTL nian ba dala 23. Jogu refere hetan apoiu husi ministeriu Desportu Arte no Kultura hodi komemora loron 20 de Maio ba dala 23 hodi anima joven ferik no katuas sira iha postu Administrativu Ossu Munisípiu Viqueque jogu tebe bola ne’e hala’o iha kampu futebol Ossú
Tuir Presidente K.O Julio Nunu Coda hato’o ba jornalista Radio Povo Viqueque (RPV) iha kampu futebol Ossu segunda feira foin lalais nee dehan katak “ programa ne’e husi Ministeriu Juventude Desportu Arte no Kultura maka fasilita fundus atu hodi komemora loron Restaurasaun da Independente ba dala 23 iha postu Ossu,orsamentu ba jogu hamutuk rihun tolu atus lima(3.500) ba modalidade haat mak hanesan tebe bola, jogu kaleik, maraton no tata berlindus. No Telecomsel apoiu bola 4 AFV apoiu bola ida “ .
Tuir jogador husi suku Ossorua Evagelino Sarmentu haktuir katak “ dahuluk agradese ba Maromak no ba komisaun organizador jogu komunitariu nian,ami sente kontente tanba durante esforsu no servisu hamutuk komesa husi jogu apuramentu too ohin loron final sai kampiaun ba jogu komunitariu ne’e, jogu laos too ohin ne’e deit ho failansu ne’ebé ami iha ba futuru ami sei hadiak liu tan “.
Entretantu iha fatin hanesan jogador husi suku Loi huno Rogerio Francisco hato’o mos katak “ ami sei prepara ba jogu ne’ebé tuir mai ho diak liu tan agora maske ami lakon ho un a zero (1-0) maibé ami sente kontente ami mos husu ba Sekretáriu Estadu Desportu atu halo nafatin jogu amizade dadaun ne’e atu nune’e ami joven sira kaer malu metin nafatin ba futuru ami mos sei prepara an ho diak liután “.
Entretantu Joga komunitariu iha postu administrativu Ossu kompete husi suku sanulu iha postu ossu, hakat ba final mak husi suku ossorua ho loihuno,Vencedor ba jogu futebol komunitariu mak suku ossorua ho skor (1-0),iha mos jogu tradisionál hanesan kaleik,maraton,no tata berlindus.
Tuir observasaun jornalista RPV nian iha kampu hare katak komesa kedas hosi jogu hahu to’o final iha loron 20 de Maiu la’o ho diak tebes no hetan mos aprtisipasaun maximu hosi komunidade sira hodi hare jogu refere.
Jornalista; Eugenia Alves
