Projetu Konstrusaun konstrusaun Be Mos iha Posto Administrativo Watu Carbau nebe hala’o hosi kompanya…. Foin maka atinji porsentu sanulu resin lima ( 15%). Lia ne’e hato’o hosi Director BTL EP Marito da Costa iha nia servisu fatin Beloi Viqueque foin lalais ne’e ba jornalista Radio Povo Viqueque (RPV). Marito mos klarifika katak projetu ne’e la’o tarde tamba iha problema social balun maka presija rejolve no foin konsege finalize iha fulan kotuk liu ba.
“ Iha Watu Carbau hanesan ita bot sira hatene katak iha problema social nebe barak los no ami foin konsege resolve iha fulan kotuk ba, no agora dadauk kompanya halo hele servisu no foin maka atinji porsentu sanulu resin lima (15%), signifika ki’ik los. Maibe kompanya esforsu hela tamba material sira to’o hotu ona iha Dili la kleur tan sir abele mobiliza ona mai iha terenu”.
Hatn ba pergunta jornalista nian kona ba hosi 15% ne’e servisu saida deit maka kompanya halo ona, Dir BTL Municipiu ne’e dehan, “ Ita iha neba foin maka hahu ho tanki BPT komesa cor ona komesa hosi be matan mai to’o iha fatin nebe as liu besik iha Posto hamutu tanke hitu (7), no tanke destribuisaun nian responsabiliza hosi kompanya ketak ida maibe servisu refere seidauk komesa”.
Dir. Be Timor Leste EP (BTL EP) Municipio Viqueque Marito da Costa mos la garante katak projetu refere sei finalize iha tinan ne’e (2025) tamba kondisaun klima nebe la favoravel.
“ Ita la espera atu remata iha tinan ida ne’e tamba iha mudansa klimatika nebe bele defikuta mobilizasaun material ba iha fatin sira nebe halo intex intex sira ne bele demora uituan entaun ita labele garante katak atu remata iha tinan ida ne’e (2025) “.
Entretantu projetu instalasaun be mos iha Posto Watu Carbau ne’e hahu kedas hosi VIII Governo Konstitusional nia tempu iha mandate PAM sesante Januario Soares-BOLI nia mandate.
Entretantu kona ba projetu Be mos iha Posto Ossu no Lacluta Marito da Sila justifika katak, “ projetu be mos iha Posto Ossu remata ona no hein hand over deit ba BTL no halo inaugurasaun , no BTL instala ona kontador hamutuk 476, no iha Posto Lacluta instalasaun remata ona maibe defikuldade maka rezervatorio nebe maka kompanya order hosi rai li’ur seidauk to’o mai, no kompanya ida nebe maka suplay sasan ne’e laos ba fatin ida deit maibe fatin barak, maibe hau orienta ona ba hau nia estaf iha neba (Lacluta) atu bele halo ona paid paz para komunidade iha neb abele asesu on aba be mos, no oras ne’e dadauk iha Posto Lacluta instala ona kontador 465 “.
Atu inform aba publiku katak projetu hirak ne’e komesa kedas hosi VIII Governo Konstitusional nia tempu maibe to’o agora seidauk finalize hotu 100%.
Jornalista : Adriano A. Mesquita
