Kongresu feto da toluk Assosiasaun Feto Munisipio Viqueque [AFVIQ} ba tinan 2025 ne’ebe’e hala’o durante loron rua hahu hosi loron 24 too loron 25 fulan febreiro iha fatin salaun Administrasaun Munispio Viqueque, Tema ba iha Kongresu ne’e maka, Haforsa Asssosiasaun Feto Munisipal Hodi Kontribui Ba Desentralizasaun No Poder Lokal. Objektivo hosi kongresu feto Munsipio Viqueuqe {AFVIQ} ne’e atu hodi Re-organiza no indentika fila fali feto pontensial sira iha Aldeia, Sucus, Postu, no Munisipio , iha hanoin ida deit ba konstrusaun Estadu de Direitu Demokratiku ba iha Prosesu Desenvolvimento hare hamutuk atinjimento iha prosesu, obstaklu ka dezafius ne’ebe’e Feto Viqueque hasoru durante mandatu tinan 4.
Presidente Komisaun Organizadora ba Kongresu Da Toluk Assosiasaun Feto Munisipio Viqueque Filimena Do Rosario hato’o relatori ba atividades sesaun abertura sei partisipa hosi ema hamutuk atus ida walunu resin hat [184] kompostu hosi delegadas Postu Lakluta 13, Posto Ossu 15, Postu Watulari 17, Postu Viqueque vila 23, Postu Watucarabau 12, delegadas munispio 50, ekipa observadores fasilitador no apou tekniku 14 no konvidadus ne’ebe’e partisipa iha abertura 40, delegadas, observadores no ekipa tekniku sei partisipa durante loron rua mak representante hosi organizasaun, grupo, inklui Eistutulares .
Iha fatin kongresu Da Toluk Assosiasaun Feto AFVIQ presidente Assosiasaun Feto Munisipio Viqueque Luciana Guterres iha nia introdusaun katak atu relata servisu Assosiasaun Feto Viqueque periodo tinan 2019 too tinan 2024 ho pregresu, desafius nia rekomendasaun ba Estrutura foun Assosiasaun Feto Viqueque periodu 2024 too 2028 presiza promove ona advokasia bazia ba evedencia liu hosi asesmento diskusaun grupo no peskiza. Tanba ho evedensia mak bele muda sosiadade nia hanoin no fanun sira nia konsensia.
Luciana Guterres hanesan presidente Assosiasaun Feto Munisipio Viqueque hato’o rekomendasasun ba Presidente Autoridade Munisipio {PAM} Viqueque no Secretaria Estado Igualidade SEI atu kria fatin espesifiku ba Assosiasaun Feto Viqueque, Reativa fali grupo Trabalho Jeneru iha nivel Munispio ne’ebe’e lidera hosi Presidente Autoridade Munisipio {PAM}. fo formasaun tinan ida dala ida kona ba jestaun jere Assosiasaun no kontinua halo monitorijasaun no akompanyamento ba ba servisu Assosiasaun.
Iha fatin hanesan Presidente Autoridade Munisipio {PAM} Viqueque Fransisco Cruz Gonzaga Soares liu hosi introdusaun ba partisipantes sira katak Feto hanesan dalan uniku , too agora Feto mak sai nafatin Atan ba Vida Moris ida ne’e maka sai dejafius ba sidadaun hotu. Katak Feto ne’e tenki iha fatin propio no Tane As.
Nune Secretari Estado Iguldade SEI Etelvina Souza Carvalho iha nia introdusaun ba partisipantes sira, katak iha ita nia hasoru malun ida ne’e hodi hili estrutura foun ,estrutura rasik hare sira nia planu asaun anual hodi hakat ba oin, Assosiasaun Feto Munispiu iha papel importante iha Munispio. Sira hanesan liman ain hosi Secretaria Estado Iguldade, servisu iha promosaun igualdade prevensaun violencia bazia ba jeneru iha komonidade, sira servisu hamutuk ho redi referal sira no apoiu autoridade Munisipal hodi halo sosializasaun.
Partisipa iha Kongresu Da Toluk Assosiasaun Feto Munisipio Viqueque mai hosi Secretari Estado Igulidade SEI ho nia komitiva,Presidente Autoridade Munisipio viqueque ,delegadas hosi postu administrative lima, Representan komandante PNTL mu.
Jornalista; Lourensa Soares
