Ai lele hun bot ida tohar kauza husi anin bot

Tersa feira 11/02/2025 madrugada liu oras tuku  4 :35  akontese ai lele hun monu taka estrada publiku iha suku  Loi huno bee tudak oin,neebe afeta husi anin bot iha loron sabadu foin lalais  nee.

Kareta no motor nebe halai iha madrugada diresaun viqueque ba ossu, baucau,dili  no ossu mai viqueque, sira obrigadu tenke halai liu husi estrada nebe liga husi suku laran.

No komunidade sira halo kedas kontaktu ba parte  bonbeirus hodi to’o iha fatin  akontesementu iha oras tuku 9:45 hodi halo evakuasaun ba ai nee.

Tuir observasaun jornalista Rpv iha tereno nota katak, Iha fatin akontesementu  estraga komunidade nia parabola no ai horis iha toos laran no fahi luhan.

Entretantu anin bot ne’e komesa kedas iha Sabadu semana kotuk no to’o agora seidauk para, tamba ne’e nafatin husu ba komunidade sira iha tempu anin bot hadook an husi fatin risku dezastre naturais hanesan ai hun bot sira,no iha uma sira ho kondisaun ladun diak ona.

Jornalista; Eugenia Alves